UzTest | Rasmiy kanal

“Oʻzbekiston ilmiy-sinov va sifat nazorati markazi” davlat muassasasi Samarqand filiali mutaxassislari tomonidan ishlab chiqaruvchi korxonalar bilan tizimli tushuntirish ishlari olib borilmoqda.

Jumladan, filial mutaxassislari Jomboy tumanida joylashgan “Samarqand Jomboy-Sharob” MCHJ korxonasida bo‘lib, korxonaning ishlab chiqarish jarayoni bilan yaqindan tanishdi. Ushbu korxona Qozog‘iston, Qirg‘iziston va Rossiya kabi davlatlarga alkogol mahsulotlari eksportini yo‘lga qo‘ygan.

Korxona vakillariga muvofiqlik baholash yo‘nalishida amalga oshirilayotgan ishlar, tadbirkorlik subyektlariga yaratilayotgan qulayliklar, shuningdek, filial tomonidan ko‘rsatilayotgan xizmat turlari haqida batafsil ma’lumotlar berildi. Bundan tashqari, korxonada sifatni boshqarish tizimini joriy etish va soha bilan bog‘liq boshqa dolzarb masalalar yuzasidan ham zaruriy tushunchalar yetkazildi.

Hozirda mazkur korxonaga mahsulotlar muvofiqligini baholash borasida amaliy yordam ko‘rsatilmoqda. Uchrashuv yakunida tomonlar kelgusida o‘zaro hamkorlikni yanada mustahkamlash bo‘yicha kelishuvga erishdi.

“O‘zbekiston ilmiy-sinov va sifat nazorati markazi” davlat muassasasi Navoiy filiali mutaxassislari ishtirokida kitobxonlikni keng targ‘ib qilish maqsadida Navoiy viloyati Karmana tumani axborot-kutubxona markazida “O‘zbekiston – kitobxonlar yurti” V Respublika “Kitobxonlik haftaligi” mavzusida tadbir bo‘lib o‘tdi.

Mazkur tadbirda Markaz xodimlari faol ishtirok etdilar. Shuningdek, tadbirga Yozuvchilar uyushmasi a’zosi, “Karmana ovozi” gazetasi muharriri, “Nuroniylar” jamg‘armasi a’zolari, maktab o‘quvchilari, Karmana tumani Ma’naviyat va ma’rifat bo‘limining folklor jamoasi hamda Xalq ta’limi bo‘limi yetakchilari taklif etildi.

Tadbir ko‘tarinki ruhda, qiziqarli o‘yinlar, muhokamalar va madaniy ko‘rinishlar bilan boyitilgan holda o‘tkazildi. Bu kabi tashabbuslar aholining kitobga bo‘lgan mehrini oshirishga, ayniqsa yosh avlodda mutolaa madaniyatini shakllantirishga xizmat qilmoqda.

Jizzax viloyatida O‘zbekiston standartlar instituti, “O‘zbekiston ilmiy-sinov va sifat nazorati markazi” davlat muassasasi, “O‘zbekiston Milliy metrologiya instituti” davlat muassasasi hamda Texnik jihatdan tartibga solish sohasida nazorat inspeksiyasi Jizzax filiali mutaxassislari ishtirokida navbatdagi sayyor qabul bo‘lib o‘tdi.

Sayyor qabul davomida texnik jihatdan tartibga solish sohasida faoliyat yuritayotgan tashkilotlar vakillari, mutaxassislar va tadbirkorlar taklif qilindi. Tadbirda hozirda ishlab chiqaruvchilar bilan hamkorlikda mahsulotlarga oid standartlar ishlab chiqilayotgani, eskirgan me’yorlarning o‘rniga yangilari joriy qilinayotgani va xalqaro standartlarga moslashtirish ishlari 45 foizga yetkazilishi ta’kidlandi.

Tadbirkorlar o‘z taklif va savollarini bildirishdi hamda amaliy ko‘mak olish imkoniyatiga ega bo‘lishdi.

“Oʻzbekiston ilmiy-sinov va sifat nazorati markazi” davlat muassasasi Navoiy filiali mutaxassislari tomonidan Navoiy iqtisodiy hududida joylashgan, plastmassadan tayyorlangan sanoat qadoqlash qutilari (Пластиковый керновый ящик) ishlab chiqaruvchi “Ravza prime” MCHJda bo‘lishdi.

Mutaxassislar tomonidan korxona faoliyatida yuzaga kelayotgan texnik va sifatga oid masalalar muhokama qilinib, mahsulotlarni me’yoriy hujjatlar bilan ta’minlash, qadoqlash, yorliqlash, saqlash va tashishga oid texnik reglamentlar yuzasidan mutaxassislar tomonidan batafsil tushuntirishlar berildi. Shuningdek, muvofiqlikni baholash bo‘yicha zarur amaliy yordam ham ko‘rsatildi.

Toshkent kimyo-texnologiya institutida “Tarmoq-korxona-oliygoh” mavzusida korxona rahbarlari forumi tashkil etildi. Mazkur forumda “O‘zbekiston ilmiy-sinov va sicat nazorati markazi” davlat muassasasi vakillari ishtirok etishdi.

Forumning asosiy maqsadi – tarmoq, ishlab chiqarish korxonalari va oliy ta’lim muassasalari o‘rtasidagi uzviy hamkorlikni mustahkamlash, kadrlar tayyorlash tizimini ishlab chiqarish ehtiyojlari asosida takomillashtirish, shuningdek, kimyo, neft-gaz va sanoat muhandisligi yo‘nalishlarida xalqaro ilmiy hamkorlikni rivojlantirishdan iborat bo‘ldi.

Mazkur tadbir, shuningdek, O‘zbekiston texnik jihatdan tartibga solish agentligi hamda Toshkent kimyo-texnologiya instituti o‘rtasida joriy yilda o‘tkazilgan uchrashuv davomida muhokama qilingan hamkorlik tashabbuslari va takliflarning amaliy ifodasi hisoblanadi. Forum doirasida bir qator muhim kelishuvlar, ilm-fan va ishlab chiqarish o‘rtasida ko‘prik bo‘luvchi tashabbuslar muhokama qilindi.

“Oʻzbekiston ilmiy-sinov va sifat nazorati markazi” davlat muassasasi sohadagi kadrlarning yuqori malakali boʻlishi, zamonaviy talablarga mos keladigan, ilmiy asoslangan bilim va koʻnikmalarga ega boʻlishlari maqsadida markazda 05.03.01 Asboblar. Oʻlchash va nazorat qilish usullari (tarmoqlararo) ixtisosligi boʻyicha oliy taʼlimdan keyingi ta’lim tizimi tashkil etildi.

Endilikda quyidagi ilovadagi (link) mutaxassislik shifri pasporti ostida keltirilgan tadqiqot sohalari yoʻnalishlarida mustaqil izlanuvchilikka hujjat topshirishingiz mumkin.
👉 https://050301shifrpasporti.tiiny.site

📆 Tanlov 2025-yilning 15-aprelidan 15-maygacha davom etadi.

🗂 Hujjatlar oliy taʼlimdan keyingi taʼlim tizimini muvofiqlashtiruvchi yagona elektron tizim https://daraja.ilmiy.uz orqali qabul qilinadi.

Joriy yilning 15-aprel kuni Termiz davlat muhandislik va agrotexnologiyalar universitetida talabalar bandligini ta’minlash maqsadida “Karera kuni” mehnat yarmarkasi tashkil etildi. Tadbirga “O‘zbekiston ilmiy-sinov va sifat nazorati markazi” DM Surxondaryo filiali ham taklif qilindi.

Yarmarka davomida universitet talabalari uchun markaz faoliyati va uning asosiy vazifalari yuzasidan tushunchalar berildi. Xususan, mahsulotlar sifat ko‘rsatkichlarini tahlil qilish, metrologiya, standartlashtirish va mahsulot sifati menejmentining ishlab chiqarish korxonalari, zavodlar, xizmat ko‘rsatish shoxobchalari, bozorlar hamda savdo majmualaridagi o‘rni haqida talabalarni qiziqtirgan savollarga batafsil javoblar berildi.

“Oʻzbekiston ilmiy-sinov va sifat nazorati markazi" davlat muassasasi Navoiy filiali mutaxassislari tomonidan Karmana tumanidagi Navoiy iqtisodiy hududida joylashgan “Oʻz Erae Cable” MCHJ QK korxonasida navbatdagi tashrif amalga oshirildi.

Mazkur korxonada Cobalt, Labo va Damas rusumidagi avtomobillar uchun akkumulyator batareyasini ulashda foydalaniladigan kabellar ishlab chiqariladi. Mutaxassislar korxonaning sifat nazorat boʻlimi boshligʻi bilan sohaga oid mavjud muammolarni muhokama qildi. Shuningdek, mahsulotlar ustida muvofiqlikni davriy baholash ishlari ham amalga oshirildi.

Xorazm viloyatida Texnik Jihatdan tartibga solish agentligi, Ozbekiston Standartlar Instituti hamda “Oʻzbekiston ilmiy-sinov va sifat nazorati markazi” davlat muassasasi Xorazm filiali boshchiligida mahalliy tadbirkorlar bilan uchrashuv bo‘lib o‘tdi.

Unda viloyat hokimligi, sektor rahbarlari, Savdo sanoat palatasining Xorazm viloyati hududiy boshqarmasi "O'zbekiston ilmiy-sinov va sifat nazorati markazi" DM Xorazm filiali mas'ullari va mahalliy tadbirkorlar ishtirok etdi.

Uchrashuvda tadbirkorlik faoliyatini kengaytirayotgan, sohaga yangi loyihalarni olib kirayotgan ishbilarmonlar bilan yaqindan suhbatlashildi.

“Oʻzbekiston ilmiy-sinov va sifat nazorati markazi” davlat muassasasi Qashqadaryo filiali sertifikatlashtirish organi va sinov laboratoriyasi mutaxassislari Qamashi tumanida joylashgan, Ozarbayjon investori hisoblangan “Matanat” xususiy korxonasida texnik jihatdan tartibga solish sohasidagi mavjud muammo va takliflarni o‘rganishdi.

Korxonada xorijiy davlatlardan import qilinayotgan mahsulotlarni sertifikatlashtirish bo‘yicha vakillar bilan birgalikda O‘zbekiston Respublikasi Vazirlar Mahkamasining 43-sonli, 683-sonli va 502-sonli qarorlariga asosan “Majburiy tartibda sertifikatlanishi lozim” bo‘lgan mahsulotlar ro‘yxati yuzasidan tushuntirishlar berildi.