💠O‘zbekiston va Malayziya charm sanoati uyushmalari o‘rtasida hamkorlik munosabatlari mustahkamlanmoqda

💭O‘zbekiston Respublikasi Prezidenti Shavkat Mirziyoyevning Malayziyaga amalga oshirgan rasmiy tashrifi doirasida o‘tkazilgan O‘zbekiston-Malayziya biznes-forumida muhim kelishuvlarga erishildi. Jumladan, "O‘zcharmsanoat" uyushmasi raisi A.Sultanov Malayziya charmsanoati uyushmasi raisi bilan uchrashib, ikki mamlakat o‘rtasida charm sanoatidagi hamkorlikni yanada rivojlantirish masalalarini muhokama qildi.

Muzokaralarda ikki tomonlama savdo-iqtisodiy aloqalarni mustahkamlash, yangi qo‘shma loyihalarni amalga oshirish, eksport-import masalalari atroflicha ko‘rib chiqildi. Malayziya charmsanoati uyushmasi raisi O‘zbekistonda bo‘lib o‘tadigan "UzCharmExpo-EurAsia-2025" xalqaro ko‘rgazmasida Malayziyaning milliy stendi bilan ishtirok etish taklifini bildirdi. Bu esa malayziyalik ishlab chiqaruvchilar uchun o‘z mahsulotlarini O‘zbekiston bozoriga taqdim etish va o‘zbek hamkorlari bilan bevosita muloqot qilish uchun ajoyib imkoniyat bo‘ladi.

💭O‘z o‘rnida, malayziyalik hamkasblarimiz O‘zbekistonga investitsiya kiritish va mahalliy korxonalar bilan hamkorlik qilishga qiziqish bildirdi. Bu esa O‘zbekiston charm sanoati uchun yangi texnologiyalar, investitsiyalar va bozorlarga chiqish imkoniyatlarini ochadi.

💭Ushbu muzokaralar natijasida erishilgan kelishuvlar ikki mamlakat o‘rtasidagi charm sanoatidagi hamkorlikning yangi bosqichini boshlab berdi.

🔴Bizni kuzatishda davom eting 👇🏽
INSTAGRAM |FACEBOOK |WEB SAYT | TELEGRAM |YOUTUBE