Atom elektromobili O‘zbekistonda ishlab chiqarilishi mumkin

Rossiyaning Kama kompaniyasi O‘zbekistonda Atom elektromobilini ishlab chiqarish imkoniyatini ko‘rib chiqmoqda. Bu haqda kompaniyaning korporativ hamkorlar bilan ishlash bo‘yicha direktori Anatoliy Kiyashko ma’lum qildi.

Uning so‘zlariga ko‘ra, Atom ishlab chiqarilishi masalasi O‘zbekiston va Xitoy bilan ham muhokama qilinmoqda. Shuningdek, Rossiya prezidenti O‘zbekiston rahbari bilan uchrashuvda ushbu loyihani mamlakatda mahalliylashtirish taklifini ilgari surgan.

Atomning asosiy xususiyatlari:

- quvvati: 136 ot kuchi;
- batareya sig‘imi: 77 kVt/soat;
- zaryadlanish vaqti: tezkor quvvatlantirish bilan 20 daqiqada 80% gacha;
- masofa: 500 km gacha yurish imkoniyati;
- tezlanish: 0 dan 100 km/soatgacha sakkiz soniyada yetib boradi.

Atom elektromobili 2023-yil may oyida taqdim etilgan. Uning seriyali ishlab chiqarilishi va sotuvga chiqarilishi 2025-yilning ikkinchi yarmiga rejalashtirilgan.

Sayt | Telegram | Instagram | YouTube | TikTok