Навоий вилояти прокурори А.Мирзаев бошчилигида вилоят Кураш федерациясининг 2024 йилдаги натижалар сарҳисоби ва келгуси йилги вазифалар муҳокамасига бағишланган йиғилиш ўтказилди.

Йиғилишда, Президентнинг 20.12.2024 йилдаги “Кураш миллий спорт турини ривожлантириш ва оммалаштиришни янги босқичга олиб чиқиш чора-тадбирлари тўғрисида”ги ПҚ-450-сон Қарори талабларидан келиб чиқиб, кураш миллий спорт турини ривожлантириш ва оммалаштириш бўйича фаолияти янада кенгайтириш, тренерлар ва ҳакамларнинг малакасини ошириб бориш, спортчилар учун зарур шароитлар яратиш масалалари муҳокама қилинди.

Шунингдек, Жаҳон, Осиё ҳамда республика миқёсида ўтказилган кубок ва чемпионатларда юксак натижаларга эришган курашчилар, ҳакамлар ва тренерлар орасидан танланган “2024 йилнинг энг яхшилари номинантлари” танлови ғолибларига сертификат ва эсталик совғалар топширилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook