Uzbekjon | Blog

DARD

Kunlarimda mahzunlik bor,
Yalqovligim ustun kelsa,
Asab tarang, yuragim tor,
Gar namozim qazo bo‘lsa,

Yig‘ladilar: "essiz kunim
Nafllar kam bo‘ldi bugun'',
Men ne deyin farzim uchun?!
Gar namozim qazo bo‘lsa,

Robbim so‘rar eng birinchi,
Namozingdan qani aytchi?
Bahonalar o‘tmas garchi,
Gar namozim qazo bo‘lsa,

Suv ichmay kaft barmoqlarda,
Obi kavsar buloqlarda,
Shafoatdan yiroqlarda.
Gar namozim qazo bo‘lsa.

Menga insof bergin Alloh,
Zang qalbimni etay oppoq,
Shunday qolsam, holim chatoq,
Gar namozim qazo bo‘lsa,

Shariatga bo‘lib taslim,
Tavba aylab, bo‘lay muslim,
Ko‘p-ko‘p yig‘lay, topib aslim,
Gar namozim qazo bo‘lsa.

© Muslimbek Esonaliyev

#MashaAlloh

⚡️B hujayralar devoridagi B hujayra retseptorlari [IgD yoki IgM] klonlanish darajasi va yer yuzida uchraydigan antigenlar miqdori bir-biriga tengligi Alloh Taoloning mo'jizadek ko'rinyapti.

❗️Bu nima degani meni tanamda antigenga javoban aktivlanadigan B hujayralarning spetsifik klonlari men onam qornidaligimdayoq kodlashtirib qo'yilgan. Yanada aniqlashtirsak, inson yer yuziga mahsus moslashtirib yaratilgan. Agar yer yuzini butunlay kezib chiqsa ham 10⁹ - 10¹² ta antigenga duch keladi. Tabiiy tanlanish buni qila olmaydi. Tabiiy tanlanish ma'lum muhitda sodir bo'ladi, organizmda faqat shu muhit uchun B hujayra klonlari paydo bo'lardi. Amerikalik Charlzning B hujayra kloni meni tanamda bor. Sabab qachondir Amirakadagi antigenga duch kelsam, tanam unga qarshi antitana hosil qilib omon qolishi uchun.

✨Yer yuzi yaratilgan va inson ham yer yuziga moslashtirib yaratilgandir. Uni bu holatda yaratgan Zot Alloh Taolodir.

✨Naqadar aniqlik, SubhanAlloh va Alhamdulillah. Payg'ambarimiz salallohu a'layhi vasallamning: Ilm ikkitadir: biri din ilmi va ikkinchisi tib ilmi deganlari mohiyatini yanada anglamoqdaman.

⚡️Ilmga Haris bo'linglar, ilmda oliyhimmat bo'linglar. Allohga bo'lgan iymonlaring mustahkamlanadi, go'zal bir maqomga yetasizlar, InshaaAlloh.