Milliy akkreditatsiya tizimida ISO 17034:2016 xalqaro standarti asosida standart namuna ishlab chiqaruvchisi akkreditatsiyadan o'tkazildi.

Ushbu xalqaro standart asosida akkreditatsiyadan o'tish orqali standart namuna ishlab chiqaruvchisi o'z mahsulotiga bo'lgan ishonchni tasdiqlashi bilan birgalikda, u taqdim etgan standart namuna asosida sinov laboratoriyalarida sifatni nazorat qilishda xalqaro darajadagi yondashuvni ta'minlash imkoniyati yaratiladi.

"O'zbekgeologiya qidiruv" AJ Markaziy laboratoriyasining standart namuna ishlab chiqaruvchisi tomonidan akkreditatsiyadan o'tish uchun topshirilgan ariza asosida o'tkazilgan tegishli baholash taomillari natijalariga ko'ra ushbu muvofiqlikni baholash organi O'zbekistonda 1-bo'lib ISO 17034 xalqaro standartiga muvofiq akkreditatsiya qilindi.