Nodir akani postini o'qib o'ylanib qoldim qaysi AI tool haqida yozsam ekan deb. Keyinroq ochib qarasam, men yozgunimcha, commentlarda ancha-muncha foydalilari yozilib bo'lingan ekan va shuning uchun ularni qayta yozib o'tirgim kelmadi. U yerda asosan dizaynerlar uchun foydali AI toollar haqida gapirilgan. Kirib ma'lumot olishingiz mumkin.

Men hozir umuman dizaynga aloqador bo'lmagan Suno AI haqida yozmoqchiman. Ishdan tashqari vaqtimda ishlatib ko'rgan va o'zimga eng yoqqan AI tool shu bo'lgan edi 2024-yilda.

Suno AI orqali siz o'zingiz istagan janrda, istalgan mavzuda xuddi ChatGPT ga buyruq bergandek yoki Custom mode orqali, musiqa janri va musiqa so'zlarini o'zingiz kiritgan holda musiqa yaratishingiz mumkin. Va eng zo'r tomoni foydalanish bepul. Bazi servislari pullik, lekin ularni ishlatishga ehtiyoj sezmaganman.

Shu postni yoza turib bir fikr kelib qoldi. Ba'zi zerikarli tuyulgan kichik mavzularni o'rganish jarayonini ChatGPT va Suno AI dan foydalanib biroz qiziqarli qilishni o'ylab qoldim. ChatGPT orqali biror mavzu bo'yicha qo'shiq uchun matn yozdiraman va o'zimga yoqqan janrda bir nechta musiqa yaratib kuni bo'yi eshitishim mumkin. Juda ko'p musiqa eshitadigan odam sifatida, shaxsan men uchun bu juda qiziq tajribadek ko'rinyapti. Natijasini kanalda yozib boraman.

Keyingi postda UX design haqida AI tomonidan yaratilgan qo'shiqni yuboraman.

Siz ham foydalanib ko'rib, fikrlaringizni shu yerda yozib ketsangiz xursand bo'laman.

@uxeruz