28 aprel — Mehnat muhofazasi kuni
Ish — bu shunchaki daromad emas. Bu odamning vaqti, sog‘ligi, ruhi. Shuning uchun har bir ish joyi xavfsiz, sog‘lom va inson uchun qulay bo‘lishi kerak.
Qayerda ishlashidan qat’i nazar — qo‘lida bolg‘a bo‘ladimi, kompyuter klaviaturasi bo‘ladimi — har bir inson ortga emas, oldinga ishonch bilan qarashi, o‘zini himoyalangan va qadrlangan his qilishi kerak. O‘z vaqtida berilgan dam, sog‘liqni asraydigan sharoit va bir-birimizga bo‘lgan g‘amxo‘rlik — bu talab emas, bu hurmat. Chunki odam qadri ishlatilayotgan joyda emas, qadrlanayotgan joyda bilinadi.
👼Bilarmidingiz?
✅Yaponiyada ayrim kompaniyalar ish vaqtida qisqa uxlashga ruxsat beradi — bu charchoqni kamaytiradi va samaradorlikni oshiradi.
✅Finlyandiyada ko‘plab ofislar yurish yo‘lakchalari, yoga mashg‘ulotlari va saunalar bilan jihozlangan — bu mehnat unumdorligini oshiradi.
✅“Ishga velosipedda kelish kuni” kabi tashabbuslar katta shaharlarda ekologik ong va jismoniy sog‘lomlikni targ‘ib qiladi.
✅Google kompaniyasi xodimlarga haftasiga 20% ish vaqtini o‘z ijodiy g‘oyalariga bag‘ishlashga ruxsat beradi — aynan shu tajriba Gmail va Google News kabi loyihalarning paydo bo‘lishiga turtki bo‘lgan.
Xavfsizlik haqida qayg‘urish — faqat mehnat muhofazasi kunida emas, har kuni dolzarb bo‘lishi kerak. Chunki xavfsiz mehnat – bu barqaror hayotning asosi.
👋🇺🇿👋🇺🇿👋🇺🇿👋🇺🇿👋🇺🇿👋🇺🇿
Volontyorlar uchun saralangan
yangiliklar ⬇️Telegram |Instagram |Facebook |Web