Ўзбекистондаги Ислом цивилизацияси маркази (cisc.uz) томонидан Allomalar.uz илмий-маърифий портали ишга туширилди. Ушбу порталга аллома ва мутафаккирларнинг ҳаёти, илмий мероси ҳақидаги маълумотлар, уларнинг фаолиятига оид чоп этилган китоблар, фильмлар ҳамда бошқа қизиқарли маълумотлар жойланмоқда. Лойиҳа ўтган ва ҳозирги давр алломаларимизнинг дунё илм-фанига қўшган ҳиссалари, илмий ишлари ёритиладиган йирик илмий-маърифий порталга айланади.
