Toshkentda Buyuk Britaniya Elchixonasi, Birlashgan Millatlar Tashkilotining Oziq-ovqat va qishloq xo'jaligi tashkiloti (FAO), O'zbekiston Respublikasi Qishloq xo'jaligi vazirligi va Toshkent davlat agrar universiteti hamkorligida muhim tadbir o'tkazildi.

Tadbir davomida Buyuk Britaniyada suratga olingan "Tuproqning olti dyuymi" hujjatli filmi namoyish etildi. Film yosh fermerlarning tuproqni tiklash, salomatligini yaxshilash orqali oziq-ovqat ishlab chiqarish tizimini o'zgartirayotgani haqida hikoya qiladi.

Film namoyishidan oldin "Tuproq, suv, hayot: O'zbekistonning iqlim o'zgarishi va yer tanazzuli muammolarini yengish uchun resurs tejamkor va qayta tiklanuvchi qishloq xo'jaligi tizimlariga o'tish yo'li" mavzusidagi davra suhbati o'tkazildi. Mutaxassislar qayta tiklanuvchi qishloq xo'jaligi amaliyotlarini O'zbekiston sharoitlariga moslashtirish yo'llarini muhokama qildilar.