2025-yil 21-yanvar kuni Uchquduq 2-son politexnikumida “Biz yoshlar OITS va giyohvandlikka qarshimiz ” mavzusida oʻquvchi-yoshlar uchun targʻibot tadbir tashkil etildi. Targʻibot tadbirida politexnikumning giyohvandlikka qarshi kurashish komissiyasi raisi L.Shakarova, YoBIBDOʻ M.Bobomurodova va politexnikum hamsherasi G.Nurmuhamedovalar soʻzga chiqib giyohvandlik – XXI asrning global muammolaridan biri ekanligi, giyohvandlik va giyohfurushlik yosh avlod tarbiyasiga, insoniyat kelajagiga katta ziyon yetkazayotganligi butun dunyo hamjamiyatini  tashvishga solayotganligi shu sababli bu ofatga qarshi kurash barchamizning burchimiz ekanligini taʼkidlab oʻtdilar.