Tadqiqotlarga ko‘ra, muntazam kitob o‘qiydigan insonlar o‘rtacha 2 yil ko‘proq umr ko‘radi.
Ko’p kulish emas, ko’p kitob o’qish umrni uzaytiradi…

Xabaringiz bor,  "Turon odob-ilm" maktabi oʼquvchilari oʼzlari tanlagan sohani mukammal oʼrganish bilan birga badiiy adabiyotlar bilan ham doʼst tutinishgan.

Kuni kecha ularning bilimlarini sinovdan oʼtkazish maqsadida ziyo maskanimizda "Zakovat"  bellashuvi tashkillandi. 

Xalqimizda “Bilagi zoʼr birni yiqitadi, bilimi zoʼr mingni” degan ibratli naql bor. Bu bejiz aytilmagan albatta. Haqiqatan ham intellektual salohiyati yuqori, dunyoqarashi keng inson har qanday muammoli vaziyatdan chiqib ketishning yoʼlini topadi.

Ana shunday zakovat egalari tarbiyalanayotgan ilm maskanimizda oʼtkazilgan bellashuvda "Ijtimoiy", "Tabiiy" va "Aniq"  yoʼnalishlari jamoalari ishtirok etishdi. 

Bellashuv yakuniga koʼra,  yuqori ball bilan "Aniq"  yoʼnalish oʼquvchilari gʼalaba qozonishdi.

Ularga maktab maʼmuriyatining tashakkurnomasi,  kitoblar va pul mukofotlari tantanali topshirildi.

Oʼsha gap,  umrim uzun,  ilmim ziyoda boʼlsin desangiz,  har kuni kamida 10 bet kitob oʼqing!