🌸Respublikamizda an’anaga aylanib borayotgan“Har juma – milliy liboslar kuni!” targ‘ibot tadbirida, Jamiyat xodimlari o‘zbekona ko‘rinishlarda faol qatnashib kelmoqda.

⚜️Ayni kunlarda yurtimiz bo‘ylab o‘zbek she’riyati gulshanining ikki buyuk ustuni, shoir va mutafakkir, g‘azal mulkining sultoni Nizomiddin Mir Alisher Navoiy tavalludining 584 yilligi hamda o‘zbek klassik adabiyotining ulkan namoyandasi, shoh va shoir Zahiriddin Muhammad Bobur hazratlarining 542 yillik tavallud ayyomlari keng nishonlanmoqda.

📖Shu munosabat bilan, “Toshshahartransxizmat” AJ va avtobus saroylarida xizmat ko’rsatayotgan xodimlar va avtobus haydovchilari ishtirokida, ikki buyuk siymoning hayot yo‘li va ijodi haqida “Alisher Navoiy va Bobur merosi – ma’naviyatimiz sarchashmasi” mavzusida ma’naviy-ma’rifiy tadbir o‘tkazildi.

📚Tadbirda, buyuk ajdodlarimiz hayoti va ijodi, boy ma’naviy merosi haqida so‘z yuritildi. Shuningdek, Alisher Navoiy va Zahiriddin Muhammad Bobur qalamiga mansub she’r va g’azallar aytib faol qatnashgan ishtirokchilarga badiiy kitoblar esdalik sifatida topshirildi.

🟠Buyuk ajdodlarimizning boy ma’naviy merosini o‘rganmoq va ularga munosib izdosh bo‘lmoq barchamizning burchimizdir!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site