#yoshlar_ovozi

* * *
Quyosh nur yog‘dirdi hovuchlarimga,
Tashna edim axir, simirib ichdim!
Shabboda, kelib bir qalbimga boqqin,
Menga sendek sirdosh bo‘lolmas hech kim!

Zaminni qo‘yib tur, hislarim tingla,
Chap ko‘ksim ostida og‘riqlar sim-sim...
Boshqa gapirmayman odamlarga, o,
Yaxshisi sen bilan gaplashaman jim...

Tortgan “uh”larimdan o‘qiysan meni,
Samo dilga ovunch hissini elar...
Kel, bugun to‘kilgin yurak-yurakdan,
Shabboda, seni ham tinglagim kelar!

Laylo SOBIR qizi

@yoshlikjurnali
yoshlikjurnali.uz