Azizlar, bu lahadga yuz tuman armon bilan keldim,
Hisobi yo‘q gunohu beadad nuqson bilan keldim.
Qolib ahlu ayolim, qasru ayvon, molu-mulkim ham,
Ketib jonim jasaddan, ohu ming afg‘on bilan keldim.
Kafandan boshqa hech bir narsa yo‘q endi bisotimda,
Ko‘zimdan ketdi nuru, bu tani bejon bilan keldim.
Solib tobutga murdamni, o‘qib do‘stlar janozamni,
Ko‘tardingiz lahad soriyga, bu imkon bilan keldim.
Eshigi, tuynigi, ayvoni yo‘q bir uyga qo‘ydingiz,
Bu uyga na to‘shak, na oshu na bir non bilan keldim.
Bu yer navbat-banavbat odam avlodini yer erdi,
Lahad komiga men ham ushbu dasturxon bilan keldim.
Umidim, bu qorong‘u qabr ichra nur sochur albat,
Dilimda naqsh bo‘lgan oyati Qur’on bilan keldim.
Meni rahmatli deb, kim esga olsa, unga ming rahmat,
O‘limga bo‘ysunib, Haq aylagan farmon bilan keldim.
Duoda Chustiyni ham fotihangizdan quruq qo‘ymang!
Bihamdilloh, musulmon ahliman iymon bilan keldim.
Hisobi yo‘q gunohu beadad nuqson bilan keldim.
Qolib ahlu ayolim, qasru ayvon, molu-mulkim ham,
Ketib jonim jasaddan, ohu ming afg‘on bilan keldim.
Kafandan boshqa hech bir narsa yo‘q endi bisotimda,
Ko‘zimdan ketdi nuru, bu tani bejon bilan keldim.
Solib tobutga murdamni, o‘qib do‘stlar janozamni,
Ko‘tardingiz lahad soriyga, bu imkon bilan keldim.
Eshigi, tuynigi, ayvoni yo‘q bir uyga qo‘ydingiz,
Bu uyga na to‘shak, na oshu na bir non bilan keldim.
Bu yer navbat-banavbat odam avlodini yer erdi,
Lahad komiga men ham ushbu dasturxon bilan keldim.
Umidim, bu qorong‘u qabr ichra nur sochur albat,
Dilimda naqsh bo‘lgan oyati Qur’on bilan keldim.
Meni rahmatli deb, kim esga olsa, unga ming rahmat,
O‘limga bo‘ysunib, Haq aylagan farmon bilan keldim.
Duoda Chustiyni ham fotihangizdan quruq qo‘ymang!
Bihamdilloh, musulmon ahliman iymon bilan keldim.