TKTI Shahrisabz filiali | Yoshlari ittifoqi

Amir Temur jangovar bayrog'i” Shahrisabz shahrimizga yеtib kеldi

Avvalroq, Janubi-g‘arbiy maxsus harbiy okrugiga taqdim etilgan “Amir Tеmur jangovar bayrog'i” Qarshi shahrida kutib olinganligi haqida xabar bеrilgan edi.

Bugun esa qadimiy va hamisha navqiron Shahrisabz shahrimizga mudofaachilarimiz tomonidan Prezidentimiz tashabbusi bilan armiya tizimida ta’sis etilgan “Amir Temur jangovar bayrog‘i” tantanali ravishda yеtkazib kеlindi.

Shu munosabat bilan Shahrisabz shahrining yuragi bo‘lmish tarixiy maydonida qad rostlagan buyuk sarkarda Amir Tеmur bobomiz haykali poyida yuksak faxrimiz va iftixorimiz bo'lgan jangovar bayroqni  mudofaamiz qudratini yanada mustahkamlashga, yoshlarimizni harbiy vatanparvarlik ruhida tarbiyalash borasidagi ahamiyatiga bag'ishlangan tantanali marosim bo'lib o'tdi.

Tadbirda hokimlik, DXX, harbiylar, davlat va jamoat tashkilotlari, yoshlar hamda keng jamoatchilik vakillari ishtirok etishdi.

Unda Janubi-g'arbiy maxsus harbiy okrug qo'shinlari qo'mondoni general-mayor Farxodjon Shermatov, Shahrisabz shahar hokimi Shеrzod Bo'riеv, viloyat madaniyat ishlari boshqarmasi boshlig'i Isoq To'raеvlar so'z olib, jangovar bayroq juda katta e'tirof bo‘lib, faxr va iftixor bag'ishlashini taʼkidlashdi. Shu bilan bir qatorda barcha mudofaa tizimi vakillarini va yig'ilganlarni ushbu yuksak mukofot bilan qizg'in va samimiy muborakbod etishdi.

Tadbirda davomida harbiy qism askarlari va Tеmurbеklar maktabi kursantlari tomonidan ko'rgazmali chiqishlar namoyish etildi.

#Davra_suhbati

💻Toshkent kimyo-texnologiya instituti Shahrisabz filialida sirtqi ta'lim talabalari uchun
Korrupsiyaga qarshi kurashish" mavzusidagi davra suhbati tashkil etildi.

Tadbirda filial o'quv ishlari bo'yicha direktor o'rinbosari B.Sirojov, filial profilaktika inspektori B.Nosirov, Ta'lim sifatini nazorat qilish bo'limi uslubchisi L.Nurmatov Korrupsiyaga qarshi kurashish "Komplayens-nazorat" tizimini boshqarish bo'limi bosh mutaxassisi A.Tursunboyev, Sirtqi ta'lim bo'limi boshlig'i Sh.Raxmonova, filial professor-o'qituvchilari va sirtqi ta'lim 1-kurs talabalari ishtirok etdi.
Tadbirda so‘zga chiqqanlar korrupsiyaning jamiyatdagi salbiy ta’siri, halollik va qonuniylikka rioya qilishning ahamiyati, korrupsiyaga qarshi kurashish bo‘yicha yangi qabul qilingan huquqiy-xujjatlar haqida batafsil ma'lumotga ega bo'ldilar va talabalar o'zlarini qiziqtirgan savollarga javob oldilar.