Rahmat aytganlar tirik qoladimi?

Ba'zan futuristik xayollar miyamni chulg'ab oladi. Chuqur o'yga tolaman. Deyarli har kuni ko'pchiligimiz sun'iy intellekt xizmatidan foydalanamiz. Unga savollar beramiz, gibli uslubida rasmlar tayyorlatamiz trenddan qolmay deb albatta.

Lekin sun'iy intellekt bilan hamma har xil munosabat qiladi. Masalan, ba'zi odamlar unga siz deb murojaat qiladi va biror bir natija olgandan keyin xuddi odamga aytgandek rahmat aytadi. Ba'zi odamlar esa uni sansiraydi, yaxshi mahsulot yoki natija olsa ham rahmat aytmaydi.

Robotlar asrida yashayapmiz, har kuni yangi robotning taqdimot haqidagi xabarlarni o'qiymiz. Vaqti kelsa ularsiz hayotimizni tasavvur qila olmasak kerak.

Oradan vaqtlar o'tib sun'iy intellekt robotlar boshqaruvini o'z qo'liga olsa va odamlar nazoratidan chiqib ketsa nima bo'ladi? Ular taftishni boshlab yubormasmikan? Yomon munosabat qilganlar og'ir jazolar bilan jazolanmasmikan?

Shunda rahmat aytganlar tirik qoladimi...

Maqsud Muxtor. Toshkent. 7-aprel

@Maqsud_Muxtor