•thmun

🌻

Прекрасное — это не всегда что-то далёкое, недосягаемое. Оно может быть в тишине утра, в мягком свете заката, в лёгком ветерке, что касается кожи. Оно в нежных словах, что греют сердце, в тёплом взгляде, что окутывает уютом. Прекрасное — это момент, когда ты улыбаешься без причины, когда в душе лёгкость, как у лепестка, плывущего по воде.

Hayotda eng muhim narsa – o‘z orzularingga sodiq qolishdir. Chunki faqat shunda biz haqiqatan ham baxtli bo‘lamiz.

Oldin uyda yolg‘iz vaqt o‘tkazish yuragimni siqardi, har doim nimadir qilish, biror joyga chiqish kerakdek tuyulardi. Endi esa, uyda tinchlikda qolish, o‘zim bilan vaqt o‘tkazish menga huzur bag‘ishlaydi. Tartibni doimiy saqlash shunchaki majburiyat deb hisoblardim, bu ko'proq miyamni, fikrlarimni tartibga solish ekanini tushundim.

Yolg‘iz ovqatlanish ham boshqacha ma’no kasb eta boshladi. Ilgari kimdir yonimda ovqatlanmasa, ishtaham bo‘lmasdi, hatto qornim ochganini ham sezmasdim. Hozir esa o‘zim yoqtirgan taomni tayyorlab, uni bemalol, hotirjamlikda sekin va huzur bilan yeyish yoqimli odatga aylandi.

Kitob o‘qish odatim ham o‘zgardi. Oldin qancha tez o‘qib tugatishim muhim edi, qanday kitob bo‘lsa ham, shunchaki o‘qirdim. Endi esa kamroq, sekinroq va ko‘proq foydali kitoblarni tanlayman. Har bir satrni tushunib, his qilib o‘qish menga katta zavq beradi.

Kimdandir nimadir kutib yashashni to'xatdim. Endi o‘zim yaqin insonlarimga kutayotgan mehr va e’tiborlarini bera olish uchun harakat qilayapman. Olishdan ko‘ra berish ko‘proq baxt olib kelishini tushundim.

Hamma bilan birdek vaqt o‘tkazishga, e’tibor ajratishga intilmayapman. Asosiy mehrim va vaqtimni faqat chinakam yaqin insonlarga bag‘ishlash muhimligini tushundim. Chunki faqat ulargina buni haqiqatdan ham qadrlaydi. Shu orqali ko'proq o'zimni baxtliroq his qilyapman.)