Эй менинг жиловлашга қийналаётган нафсим, етар энди, бекорчи нарсалар билан вақт ўтказма. Бунчалар осонлик билан гунох қилма. Шаҳар дарвозасиз деб ўйлама. Чунки олган нафасинг ҳам ўзингники эмас.

Эй менинг гунох билан мусобақа қилаётган нафсим, сенга ишонганларни зинхор алдама. Шу толиққан баданга яна юк ортма. Хеч ким кўрмаяпти-ку деб ўйлама. Ташлаган хар қадамингнинг бир кузатувчиси бор.

Эй менинг кибр сувига чўмилган нафсим, зинҳор бошқаларга тепадан боқма. Сени севганларнинг кўнглини вайрон этма. Ҳеч ким билмайди деб ўйлама. Хар нарсани эшита оладиган бир Тингловчи бор.

Нафсига ҳукм ўтказиш — оловни қўлда ўшлаб туришдек оғирдир. Аллоҳ таоло ҳаммага нафсини бўйсиндиришдек қийин ғалабани насиб этсин.