Samalyot 21-fevral kuni soat 23:55da parvoz qilishi kerak bo‘lgan 9S1021 Toshkent – ​​Phu Quoc reysi parvoz arafasida to‘xtatildi.

FlightRadar24 ma'lumotlariga ko'ra, samolyot taxminan soat 2:47da A330-302 (#UK33001) uchish-qo‘nish yo‘lagida (08L) parvozni to‘xtatishga qaror qilgan
Vetnamdagi orolga dam olish uchun uchishni rejalashtirgan yo‘lovchilardan biri “Gazeta.uz”ga reys ikki soatga kechiktirilganini aytdi, "Samolyot allaqachon tezlashayotganda, u keskin tormoz olib, orqaga, terminalga qaytdi", dedi u.

“Ular bizni bir soat samolyotda ushlab turishdi, keyin avtobusda kutish zaliga olib borishdi. 45 daqiqadan so‘ng barchani qabul qilish zaliga jo‘natishdi va bor-yo‘g‘i bir soatdan so‘ng, soat 4:00 da kompaniya vakili texnik nosozlik borligini tushuntirish uchun keldi”, — dedi reysdagi yo‘lovchi.

Yo’lovchining so‘zlariga ko‘ra, ularga reys bekor qilingani haqida faqat ertalab soat 5 da xabar qilingan. Yo‘lovchilar o‘z yuklarini ertalab soat 6 larda qabul qilib olishdi. "Biz aeroportda jami to'qqiz soat vaqt o'tkazdik", dedi yo’lovchilaridan biri.

Yo‘lovchilardan uylariga qaytishlari so‘ralgan, shahar tashqarisidagilarga esa vaqtinchalik uy-joy va’da qilingan.

Info: ©gazeta.uz

Toshkent – Fukuok yo‘nalishidagi 9S-1021 reysi 21-fevral kuni soat 23:55 da jo‘nashi rejalashtirilgan edi, biroq texnik sabablarga ko‘ra kechiktirildi.

Uchish vaqtida ekipaj shassi tebranishini sezib, xavfsizlik qoidalariga muvofiq, to‘g‘ri va professional qaror qabul qilib, parvozni to‘xtatdi. Samolyot terminalga qaytarilib, muhandislar tomonidan batafsil tekshiruvdan o‘tkazildi.

Tekshiruv natijasida muayyan detallarning almashtirilishi zarur ekani aniqlandi va hozirda ushbu ishlar amalga oshirilmoqda. Nosozlik bartaraf etilgach, samolyot qo‘shimcha tekshiruvdan o‘tkaziladi.

Aviatsiya qoidalariga muvofiq, yo‘lovchilar mehmonxonaga joylashtirildi. Taxminiy jo‘nash vaqti – 22-fevral, soat 22:00 (mahalliy vaqt).

Yo‘lovchilar xavfsizligi – bizning ustuvor vazifamiz!

Info: ©air.samarkand