Buni eshitib hali ham o'zimga kelolmayapman. O'zimga qanaqasiga? Nimaga bunday bo'ladi? Nahotki? degan savollarni beryapman.

Judayam yaxshi ayol edilar. Pahlavonlarnikiga dars qilgani borganimda, iliq kutib olib, salomlashardik. Nabiralari tengi bo'lsam ham, hurmat qilib, kattalardek muomalada, muloyimgina gaplashardilar 🥲. "Keldizmi Temurbek o'g'lim, buviz yaxshi yuribdilarmi eson omonmilar. O'qiyapsizmi? Mangayam Pahlavon wifiga ulab bergan telvizordi, shu Avaz Oxundi kansertlarini, yor yorni ko'rib o'tiramanda zerikkanda. Qorniz och bo'lsa, choy ichvoling bolam deb choyga taklif qilardilar.

Amerikaga o'qishga harakat qilayotgan paytimiz esa bizdanda ko'p havotirga tushib, voy bolam u joylar issiqmikin, qanaqa divanda yotasizlar, kasal bo'lsela kim qaredi, bitta joyda o'qiysilarmi? Nima ovqatlar beradi? O'zbeklar bo'ladimi? Qorongida yurmela? Xavfsiz joymi? deb rosa xavotir olgandilar buvijonim 🥲

Universitetga kirib, Toshkentga ketayotgan paytimiz, yig'lab yig'lab kuzatvorganlari hali ham esimda

Nahotki, endi ularni ko'rolmayman boshqa. Endi meni borganimda kim kutib oladi? Kim bilan uzundan uzun suhbatlar quraman? Joylari jannatda bo'lsin ilohim 🤲