Teamwork.uz (фриланс площадка)

Нега?

Софт скиллар ривожлантириш борган сари жуда муҳим бўлиб қолмоқда. Мен софт скилни ривожлантиришнинг биринчи қадами “нега?” деган саволларни бера бошлаш деб биламан. Шу савол ҳар куни сизда пайдо бўлмагунча софт скилни ривожлантириш қийин.

Софт скилларни ривожлантириш учун қуйидаги қадамларни амалга ошириш мумкин:

1. Мулоқот кўникмаларини ошириш: Яхши суҳбатдош бўлиш ва фикрларни тўғри баён этиш муҳим. Бунинг учун кўпроқ гуруҳларда иштирок этиш, фикр алмашиш ва нутқларни кўриш ёрдам беради.

2. Тинглаш ва эмпатия: Яхши тингловчи бўлиш, бировларнинг ҳис-туйғуларини тушуниш ва уларни қўллаб-қувватлаш муҳим. Бу скилни ошириш учун одамлар билан кўпроқ очиқ мулоқот қилиб, уларнинг фикрларини тушунишга ҳаракат қилиш керак.

3. Ўзини бошқариш: Стресс ҳолатларида ўзини тутиш, туйғуларни назорат қилиш ва вазиятга мослашиш қобилияти. Бунга йога, медитация ёки нафас олиш машқлари ёрдам бериши мумкин.

4. Вақтни самарали бошқариш: Ўз вазифаларингизни режалаштириш ва уларни бажаришга интилиш. Бунинг учун “To-Do” рўйхатлар тузиш ёки махсус вақт бошқарув дастурларидан фойдаланиш мумкин.

5. Масъулият ва ишонч: Ваъдага риоя қилиш ва вазифаларни аъло даражада бажариш билан ишонч қозониш. Бу скилни ошириш учун кичкина вазифаларни бажариб бориш орқали масъулиятлироқ бўлишга ҳаракат қилинг.

6. Танқидга очиқлик ва тажриба ўрганиш: Фикр ва танқидларни тўғри қабул қилиш, хатолардан сабоқ олиш.

7. Ижодкорлик ва муаммоларни ҳал қилиш: Турли муаммоларга янгича ечимлар топишга интилинг. Ижодкорликни ошириш учун янги соҳаларни ўрганиш ва тажрибалар ўтказиш ёрдам беради.

8. Тармоқлаш: Янги танишлар орттириш, муносабатлар ўрнатиш. Кўпроқ тадбирларда иштирок этинг, турли соҳалардаги одамлар билан мулоқот қилинг.

Бу қадамларни қўллаб бориб, софт скилларни ривожлантириш мумкин. Муваффақиятлироқ ва ижтимоий ҳаётда самаралироқ бўлишга ёрдам беради.

@bektoshkhatamov

Startapga asos solasan, uni rivojlantirasan va katta xalqaro gigantga bir qismini yaxshigina narxga sotasan. Bu biznesda klasssik va ajoyib muvaffaqiyat yo'li. Bu sening g'oyang yashab qolishi, hatto yanada kuchli bo'lib amalga oshirilishini ta'minlaydi, ikkinchi tomondan bir necha yil umr va harakat uchun yaxshigina pul ishlab topasan. Shuningdek, nihoyat sani yillar davomida qiynagan, katta ehtimol bilan charchatgan raqobatdan ham qutilasan.

Express 24 holatida bu bir necha million dollar, hatto bir necha o'n million dollar bo'lishi mumkin. Raqamlarni aytishmasa bilmaymiz. Jamoani bu bilan tabriklayman.

Bundan negativ ko'rayotganlarga aytadiganim, bu bozor iqtisodiyoti. Aksar norozilar o'zlari ham bozor iqtisodiyotini himoya qilishadi. Bozor iqtisodiyotida gigant kompaniya kichikrog'ini sotib olib, biznesiga integratsiya qilishi tabiiy hisoblanadi.
Oziq-ovqat yetkazib berish bozorida O'zbekistonda alohida monopol yo'q. Hozirda bozorda Uzum Tezkor, Yandex Eats, yaqinda kirib kelgan Walt va Express 24 bor. Undan tashqari aksar kafe va restoranlar ham o'zlarining yetkazib berish xizmatlariga egalar. Yaponamama, Belissimo, Evos, ko'pchilikda kichik-kichik yetkazib berish xizmatlari mavjud va ular ham bozorda yaxshigina ulushga ega.


Bu mijoz uchun nima beradi?

E'londa aytilgan, Express24 yopilmaydi, Yandex Eats bilan yagona bazaga birlashadi. Bu kuryerlar va restoranlar katalogi ham birlashishini anglatadi. Bundan tanlov imkoniyati oshadi, yetkazib berish tezligi ham.


Shu uchun ham voqeaga nisbatan o'ta salbiy qarashlarga qo'shilmiyman. Aksincha, bu ajoyib, ko'pgina holatlarda aytib bersa bo'ladigan muvaffaqiyat tarixidir.

Bugun biznes yuritib, soliq va jarimalardan o'tib, 4ta xodimga maosh qilib berib, foyda ko'rib ishlash, nimadir muvaffaqiyatli yangilikni qilish oson emas. Buni 3 yildan beri Uzum bilan raqobat qilib, shu bilan birga deyarli har oy u yoki bu masalada jarima to'lib, his qilib yurimman. Uzumning kirib kelishi biz va bozorga foydali bo'lgan bo'lsada, noteng resurslar bilan gigantga qarshi raqobat qilish oson emas.

Express24 shu raqobatda yashab qoldi, o'z o'rnini oldi va hammasini uddaladi.

Xursand bo'ladigan holatdan milliy fojea yasash xato deb o'ylayman.

#biznes
@allaevuzb

Qahramonlar

Hayotda turli xil insonlar bo’ladi. Ba’zi insonlarning sabr-matonati, aqlbovar qilmas mashaqqatini ko’rib, ularni haqiqiy qahramon deb atagim keladi. Qahramon deganda ana shunday insonlar ko’z oldimda gavdalanadi.

— Oilasini ta’minlash, qizlarini uzatish uchun orzu umidlaridan, issiqqina o’rnidan kechib, minglab kilometr narida, barcha ishga tayyor bo’lgan o’zbegim, sen haqiqiy qahramonsan;

— Vatan sarhadlarini qo’riqlash niyatida kechalari sovuqlarda, cho’l-u biyobonlarda turgan askar, sen haqiqiy qahramonsan;

— O’z ishini har doim professional bajaradigan, bugungi kunini kechagi kundan ko’ra yaxshiroq qiladigan mutaxassislar, sizlar haqiqiy qahramonsizlar;

— Umri davomida jamoat transportida yoki oddiy mashinalarda ishga qatnab, qimmat mashinalarda yuradigan shogird tayyorlagan ustoz-u murabbiylar, sizlar haqiqiy qahramonsizlar;

— “Buyurtma” dorilarni emas haqiqiy malhamlarni tavsiya qiladigan shifokorlar, sizlar haqiqiy qahramonsizlar;

— Imkoniyati bo’lsa ham poradan, tilyog’lamalikdan o’zini qat’iy cheklay olgan amal egalari, sizlar haqiqiy qahramonsizlar;

— Yoshligidan intizomni qoyim tutgan, ilm uchun bedor tunlarni o’tkazayotgan yoshlar, sizlar haqiqiy qahramonsizlar;

— Barcha imkoniyat bor zamonda, faxshdan, ma’siyatdan, o’zini tiygan o’g’lonlar, sizlar haqiqiy qahramonsizlar;

— Iymoni sabab turli qiyinchiliklarga uchrasa-da, ilm yo’lida to’xtamayotgan muslima qizlar, sizlar haqiqiy qahramonsizlar;

— O’zidan ko’ra boshqaning hojatini birinchiga qo’yadigan himmati baland insonlar, sizlar haqiqiy qahramonsizlar;

— Yolg’iz boshi bilan farzandini tarbiya qilayotgan onalar, sizlar haqiqiy qahramonsizlar;

— Dardi millat, vatan va din g’amida bo’lgan insonlar, sizlar bizning qahramonimizsizlar!

#салохият

Ўз йўлимизни танлаб, олдинга қараб кетаётганимизда бутун умримиз давомида атрофимизга кўп инсонлар келиб кетади: ота-онамиз, ака-укамиз, дўсту биродарларимиз ва ёримиз. Аммо фақат бир киши доимо олдимизда бўлади-бу ўзимиз. Фарзандларимиз ёки яқинларимизни ўйлаб хавотирга тушамиз, лекин бошқа масалалар ҳам хавотирни келтириб чиқаради.

6 яшарлигимда бошқа бир уйга кўчганимизда ҳавотирларим ошган эди, баъзи нарсалардан чўчир эдим, хозир эса 50-60-70 ёшга кирсам нима бўлишини ва ўша пайит келганда ҳаётим қанчалик ўзгариб кетиши, менга берилган имкониятлардан, салоҳиятимдан тўлиқ фойдалана олишим ҳавотирга соляпти. Биласизларми нимага, чунки бунга ҳеч нарса тенг кела олмайди, бунда қаршингизда ўзингиз турасиз, ҳаттоки рақобатчилар ҳам бўлмайди.

Ҳамамиз компьютер ўйинларини ўйнаганмиз. Ўйиндан мақсад ҳар сафар ютиб, ўйинни кейинги поғонасига ўтишдир. Галма – гал ўйин тобора қийинлашиб боради ва шу билан бирга ўйинчи юксалиб боради ва тажрибаси ҳам ошади. Тасаввур қилинг, сиз 20 поғонали ўйинни ўйнаяпсиз ва “бешинчи поғона” дан ҳеч ҳам ўта олмаяпсиз. Тасаввур қилдингизми? Энг ажабланарлиси шундаки, хаётда ҳам атрофимздагиларнинг аксарияти ҳудди шундай ўйнашади, яъни ўша “бешинчи поғона” дан ҳеч қайсиниси ўта олмайди.

Бу нарсаларни ёзишдан ягона мақсадим, хар ким ўз салоҳиятларини англаб олиши, ўз имкониятлари чегарасини билишга ундашдир. Нима учун сизга ўхшаганлар ҳар куни эрталаб ўйғониб, оддий, ўртамеъён хаёт кечирганимдан кўра, барча салохиятимни ишга соламан, бугун ўз имкониятларим чегарасини ангалаган инсон бўламан демайди?

Хавфсизлик чоралари.

Бу постни яна қайсидир оила йўқ бўлиб кетмаслиги учун ёзмоқдаман, ўзингиз ҳам яхшилаб ўқинг, яқинларингизга ҳам юбориб қўйинг.

Хонада ёки уйда газ тўпланиб қолмаслиги учун нималар қилиш керак?

1. Газ ускуналарини мунтазам текшириш: Барча газ ускуналари, хусусан, плита, сув иситгичлари ва қозонлар мунтазам равишда мутахассис томонидан текширилиб туриши керак. Қурилмалардаги носозликлар газ чиқишига сабаб бўлиши мумкин.

2. Газ ускуналарини тўғри ўрнатиш: Газ ускуналарини ўрнатиш ва таъмирлаш ишларини фақат лицензияга эга мутахассисларга топшириш зарур. Нотўғри ўрнатиш ёки қўллаш газ чиқишига сабаб бўлиши мумкин.

3. Вентиляция тизимини назорат қилиш: Уйда яхши вентиляция тизимини таъминлаш жуда муҳим. Ҳаво айланиши учун ойналар ёки махсус вентиляция тизимлари ўрнатилган бўлиши керак. Газли хоналарда доим ҳаво алмашиниши таъминланиши лозим.

4. Газ детекторлари ўрнатиш: Махсус газ детекторларини ўрнатиш тавсия этилади. Улар ҳавода газ тўпланганини аниқлаганда сигнал беришади ва сиз ўз вақтида чора кўришингиз мумкин бўлади.

5. Газ кранини ёпиб қўйиш: Уйдан чиққанда ёки газдан фойдаланмаган вақтда газ кранини ёпиб қўйиш орқали хавфни камайтириш мумкин.

6. Ёқилмайдиган буюмларни ёндирманг: Газ ускуналарини ишлатиш чоғида ёки яқинида очиқ ёнғин, свеча ёки чақмоқли қурилмалардан фойдаланмаслик керак, чунки бу учқун чиқишига ва ёнғин хавфига олиб келиши мумкин.

7. Газ шлангларини текшириш: Газ шлангларини мунтазам текшириб туринг. Агар уларда чизиқлар ёки ёриқлар бўлса, шлангни алмаштириш керак.

8. Уйдаги фойдаланувчиларни ўқитиш: Барча уйдаги кишиларга газ ускуналаридан тўғри фойдаланиш, хавфсизлик қоидалари ва фавқулодда ҳолатларда қандай ҳаракат қилиш кераклигини ўргатиш керак.

Бу чоралар газ чиқиши хавфини камайтиришга ва уйдаги барча учун хавфсиз муҳит яратишга ёрдам беради.

———-

Хонада ёки уйда газ тўпланиб қолса, нималар қилиш керак ёки мумкин эмас?

Агар хонада газ тўпланиб қолса, хавфсизликни таъминлаш учун зудлик билан қуйидаги қадамларни амалга ошириш керак:

1. Ҳаво алмашишни таъминлаш: Ҳона дарҳол тоза ҳаво билан таъминланиши керак. Барча эшик ва ойналарни очиб, ҳаво киритинг.

2. Газ манбасини ўчириш: Агар хавфсиз бўлса, газ манбасини ўчиришга ҳаракат қилинг. Лекин буни фавқулодда вазиятда қилиш хавфли бўлиши мумкин, шундай экан эҳтиёткор бўлинг.

3. Электр ускуналарини ёқманг: Ёки ўчирманг, чунки бу учқун чиқариб, портлашга олиб келиши мумкин. Электр ускуналарини ва чироқларни фойдаланмаслик керак.

4. Ўт ўчирувчиларни чақиринг: Агар газ ҳали ҳам чиқиб турган бўлса ёки сиз уни ўчиролмасангиз, зудлик билан ўт ўчирувчиларни чақиринг.

5. Бинони тарк этинг: Ҳонани ва бинодан зудлик билан чиқинг. Газ тўпланган жойда қолиш хавфли бўлиши мумкин.

6. Фавқулодда хизматларни кутиш: Ташқарида бўлганингизда ёки хавфсиз жойда бўлганингизда, профессионаллар келиб вазиятни назоратга олишини кутиб туринг.

Газ чиқиши хавфли ҳолат бўлгани учун юқоридаги чораларни шошилинч ва эҳтиёткорлик билан бажариш жуда муҳим.

@bektoshkhatamov

Sun'iy intellekt platformalari, masalan, ChatGPT, Copilot yoki Claude kabi vositalar, kundalik hayotda samarali foydalanish uchun ko‘plab imkoniyatlar yaratadi. Quyida ulardan ba'zilarini keltirib o‘taman:

1. Sayohat rejalashtirish uchun:
Agar bir kun notanish shaharda vaqt o'tkazish rejang bo‘lsa, sun'iy intellektdan foydalanib shahar bo'ylab sayohatni samarali rejalashtirishingiz mumkin. Masalan, quyidagi promptni yozish mumkin:
"Do‘stim bilan N shahriga bir kunlik sayohat qilmoqchimiz. Tongda aeroportga kelamiz va kechqurun qaytamiz. Tarixiy va tabiiy obidalarni ko‘rishni xohlaymiz. Bizga bir kunlik sayohat rejasini tuzib ber."

Sun'iy intellekt sizga kerakli obidalarning ro‘yxatini tuzib beradi, ularni qanday tartibda ziyorat qilishni va qanday yo‘nalishdan foydalanishni tavsiya qiladi.

2. Ilmiy kitoblarni tushunish uchun:
Agar ilmiy kitob o'qiyotganingizda tushunishga qiynalsangiz, uni qisqacha izohlab berish uchun sun'iy intellektdan foydalanishingiz mumkin. Misol uchun:
"Kitobning [bob nomi yoki raqami] qismini tushunishga qiynalyapman. Bobning qisqacha mazmunini aytib ber va o‘zlashtirganimni tekshirish uchun test savollar tuzib ber."

Keyin, ushbu savollar orqali bilimlaringizni sinovdan o‘tkazib, natijalarni baholash imkoniyatiga ega bo‘lasiz.

3. Shartnomalarni tez tahlil qilish uchun:
Shartnomalarni tez tahlil qilib, undagi xavf va imkoniyatlarni aniqlashga yordam berish uchun sun'iy intellektdan foydalanishingiz mumkin. Matnni yuklab, bunday topshiriqni berishingiz mumkin:
"Shartnomani tahlil qilib, asosiy risklar va imkoniyatlar haqida yurist kabi fikr bildir."

Bu usul shartnomadagi nozik jihatlarni tezda tushunishga yordam beradi, lekin har qanday tahlilni shaxsiy fikringiz bilan sinchiklab ko'rib chiqishingiz kerak.

4. Rasmiy va norasmiy hujjatlar yozish uchun**:
Agar sizdan rasmiy yoki norasmiy hujjat yozish so‘ralgan bo‘lsa, sun'iy intellekt sizga yozuvni qayta tahrir qilishda yordam berishi mumkin. Bunday holatda, matnni kiritib:
"Ushbu matnni rasmiy va sodda uslubda qayta yozib ber."

Bu sizga matnni yanada aniqlashtirib, qabul qiluvchiga muvofiq shaklda yetkazishga yordam beradi.

5. Murakkab nazariyalarni tushunish uchun:
Agar murakkab ilmiy yoki falsafiy nazariyani tushunishda qiynalsangiz, sun'iy intellektdan soddalashtirilgan tushuntirish olish mumkin. Masalan:
"Ushbu nazariyani bolaga tushuntirgandek sodda qilib tushuntirib ber yoki zarbulmasal orqali izohla."

Bu usul orqali murakkab kontseptsiyalarni osonroq tushunishingiz mumkin.

6. Qo'lda yozilgan matnlarni nusxalash uchun:
Agar sizda qo'lda yozilgan matnlar bo'lsa, masalan eski xatlar yoki kundalik yozuvlar, ularni raqamli formatga o'tkazish uchun sun'iy intellektdan foydalanishingiz mumkin. Buning uchun matnni suratga olib, quyidagicha so'rang:
"Qo'lda yozilgan matnni suratga olib, uni raqamli shaklda qayta tuzib ber."

Bu sun'iy intellekt yordamida qo‘lda yozilgan matnlarni o‘qish va tahrir qilishni osonlashtiradi.

---
Yuqoridagilarni o'zim qo'llaganman. Ish sohasida ham ko'p foydalanaman. O'z faoliyatingiz uchun o'ylab ko'ring, AI o'zidan so'rang, qanday yordam bera oladi? Promptlar qilishni o'rganing.

Sun'iy aql tabiiy aqldan foydalanishni samarali, oson va maroqli qiladi.

Har oy professional o‘sish uchun vaqtim va pulimni quyidagi online platformalarga sarflayman:

1. ChatGPT – har oy $20 sarflayman, lekin $200 bo’lsa ham baribir podpiska olgan bo’lar edim. Sun’iy intellektning imkoniyatlari hayratlanarli. Masalan, psihoterapiya uchun ham ishlatsa bo’ladi.

2. Substack – bu mustaqil yozuvchilar va mutaxassislar tomonidan tayyorlangan chuqur maqolalarni o‘qish uchun platforma. U yerda, masalan, Facebook-ni Growth strategiyasini qilgan @chamath' rel='nofollow'>Chamath Palihapitiyaga obuna bo’lish mumkin

3. Medium – Substack-ga o’xshash platforma, lekin bepul maqolalar ko’proq (podpiska talab qilinmaydi ko’p maqolalarga). Sifat sal pastroq, meni nazarimda. Lekin yaxshi maqolalar ham bor. Mana @pedrohportoalegre/what-marketing-strategy-is-and-isnt-b7d4372ce312' rel='nofollow'>misol

4. LinkedIn – ko’pchilikka tanish professional ijtimoiy tarmoq. Podpiska bilan ($60) Linkedin Learning-da ko’plab foydali kurslar ko’rish imkoniyatiga ega bo’lasiz.

5. Apple Podcasts – Har xil podkastlarni tinglab, bilim va tushunchalarni kengaytirish uchun platforma. Masalan, Lex Fridman-ning Elon Musk bilan podcastini tinglashingiz mumkin

6. Telegram – men Premium podpiskani launch bo’lgandayoq sotib olganman. Durov-ning kanali juda foydali.

7. Sam Altman hamda Paul Graham-larning shaxsiy bloglarini muntazam ravishda o’qiyman.

Har kuni miyada to‘g‘ri kontentni iste’mol qilish organizm uchun sog‘lom ovqat yeyish kabi muhimdir. Bu narsada ekonom qilmayman va vaqtimni ayamayman.

@latipovasamira