🗣 "Milliy qadriyatlar – millatimiz ma'naviyati ko'zgusidir!"

🗓 Joriy yilning 20-fevral kuni Qo'qon davlat universitetida "Sumalak Party" tadbiri doirasida "Milliy qadriyatlar – millatimiz ma'naviyati ko'zgusidir" shiori ostida gulxan atrofida uchrashuv bo'lib o'tdi. Tadbir xalqimizning boy ma'naviy merosini asrab-avaylash, milliy qadriyatlarni targ'ib qilish va yoshlar o'rtasida an'anaviy urf-odatlarimizga bo'lgan qiziqishni yanada oshirish maqsadida tashkil etildi.

🏬 Tadbirni Qo'qon davlat universiteti Ilmiy ishlar va innovatsiyalar bo'yicha prorektor, rektor v.b Pulatov Sharifjon Yigitaliyevich ochib berib, talabalarga samimiy tilaklarini bildirdi. U o'z nutqida milliy qadriyatlarimizni asrab-avaylash va ularni kelgusi avlodlarga yetkazish muhimligini ta'kidladi. Shuningdek, talabalar bilan ochiq muloqotda bo'lib, ularning fikr va takliflarini tingladi.

📑 So'ngra O'zbekiston yoshlar ittifoqi Farg'ona viloyati Kengashi raisi Anvarov Alisher Adxamovich so'zga chiqib, milliy qadriyatlarning talaba-yoshlar hayotidagi o'rni va ahamiyatiga to'xtaldi. U milliy madaniyatni chuqur anglash va uni yoshlar orasida keng targ'ib qilish bugungi kunning dolzarb masalalaridan biri ekanini alohida qayd etdi.

🎙 Tadbirning badiiy qismida Qo'qon shahri yoshlarining sevimli shoiri Shoir Naziriy ishtirok etib, o'zining qalamiga mansub ta'sirchan va ma'no-mazmunga boy she'rlarini o'qib, yig'ilganlarga unutilmas taassurotlar ulashdi. Uning yurakdan chiqqan misralari barchada milliy g'urur va iftixor tuyg'ularini uyg'otdi.

💼 #MilliyQadriyatlar #SumalakParty
💼 #YoshlarIttifoqi #GulxanUchrashuvi

✅Ijtimoiy tarmoqlardagi rasmiy sahifalarimizga obuna bo'ling:
✅Telegram | ✅Instagram
✅Facebook | ✅YouTube