Trampdan keyin yana bir siyosatchi hokimiyatga chiqqan 1-kuniyoq migrantlarga qarshi kurashishni boshlashni aytyapti. Merz Germaniyaning navbatdagi kansleri bo‘lishi deyarli aniq, uning partiyasi — Xristian-demokratlari ittifoqi so‘rovnomalarda yetakchi. Qolaversa, mana bunaqa to‘lqinli bayonotlar unga yaxshi yordam beryapti.

Yaqinda Ashafenburg shahrida 28-yoshli afg‘onistonlik erkak bog‘cha yoshidagi bolalarga pichoq bilan hujum qildi. Bir bola halok bo‘ldi. Bunday xabar fonida qanday qilib, “migrantlarni haydayman” degan odam tarafdorlari ko‘paymasligi mumkin?

Nihoyat, hukumatlari G‘arbni tinimsiz qoralaydigan mamlakatlar fuqarolariga G‘arb darvozalari yopilishni boshlamoqda. Lekin, AQSHdan farqli o‘laroq, Germaniyada hali umid bor. Merz katta ehtimol bilan, koalitsiya tuzadi va muhim qarorlarni ittifoqchilari bilan kelishishga majbur bo‘ladi.