Bribir bir kun o'lamiz.
Ko'pchilikdan eshitganman inson umri davomida hech bo'lmasa 7 ta janozada qatnashishi kerak deb. Aynan bu gap qanchalik haqiqat bilmayman-ku lekin mohiyatiga yuzlanmoqchiman.
Allohning qilichi deb e'tirof etiluvchi Xolid ibn Valid roziyallohu anhu hech bir janozadan qolmagan. Abdulloh domla rivoyat qiladi, u zot hech bir janozadan qolmagan ekan.
Ba'zan juma namozlarida 4 takbirli janoza namozi ham o'qiladi. Alloh nasib qilgan payt men ham jamoat bilan bo'laman. O'tgan jumada Alloh nasib qildi, 14 yoshli qizaloqning janozasida qatnashdim.(Alloh mag'firatiga olgan bo'lsin.)
Masjiddan chiqdik, mayitni odamlar yelkasi osha qo'lma-qo'l qilib olib kelishyabdi. Masjiddan chiqqan akalar bilan ikki qator saf oldik, mayit qo'lma-qo'l biz tomon yetib kelyabdi. Shu vaqt chuqur o'yga toldim. Alloh nasib qilsa vaqti kelib bizni ham shunday ulug' kunlarda ohirgi manzilga kuzatishadi, biz ham albatta o'lim achchig'ini totamiz deb hayolimdan o'tkazdim.
O'sha damda barcha g'arazliklar meni tark etdi, tavba qildim, yomon hayol qilishdan va gunoh ishlar qilishdan juda qo'rqdim. O'lim haqligiga yana bir bor imon keltirdim.
Mohiyat shu ekan-ki, albatta o'lishimizni eslasak fursat g'animat bo'lib qoladi. Ketayotgan vaqtimiz qadrini anglaymiz, behuda, bekorchi ishlarga vaqt sarflamaymiz. Shunday ekan men ham maslahat berardim-ki, janozadan qolmang.
O'lim, uning achchig'i, qabr azobi, undagi savol-javoblar va ruhning tanadan sug'irib olinishi va yana qayta tanaga kirishi haqida Immom G'azzoliyning "Qiyomat va Oxirat" asarida o'qidim. Ertami, indin bu haqidayam yozaman InshaAllah.
👉
@Muhammad_Shokir 👈
