Илм олишдаги энг яхши давр - бу ёшлик даври. Чунки бу кезларда зеҳн соф, жисм қувватли бўлади. Имом Мовардий ҳам бу ҳақда айтганлар: "Талабалар ёшлик онларини беҳуда ўтказиб юборишлари илм олиш йўлида қўядиган энг катта камчиликлари ҳисобланади. Кейинчалик улғайгач, илмнинг қадрига етиб, илм олишга киришади, аммо кичиклигида ўрганиши лозим бўлган нарсаларни тинглашдан уялади. Натижада, тезроқ мақсадга эришиш учун ибтидоий илмларни ўрганиб эмас, узуқ-юлуқ маълумотлар билан кифояланиб қолади. Бу эса нафснинг хийласидир.