Tanzila Narbaeva

🇺🇿🇺🇿🇺🇿 Sankt-Peterburg shahrida Belarus Respublikasi Milliy Majlisi Respublika Kengashi Raisi Natalya Kochanova bilan uchrashuv o‘tkazdik.

Uchrashuv chog‘ida parlamentlararo aloqalarning bugungi holati, istiqbollari hamda hamkorlikdagi loyihalarimizni amalga oshirish yuzasidan fikr almashdik.

Shu jumladan, mahalliy hokimiyat vakillik organlari ishtirokida hududlararo forum, uchinchi O‘zbekiston-Belarus ayollar biznes-forumi, yoshlar parlamentlari yig‘ilishlarini har ikki tomon uchun manfaatli tarzda o‘tkazish masalalarini muhokama qildik.

#senat
#hamkorlik

@tanzilanarbaeva

🇺🇿🇺🇿🇺🇿 Ikkinchi jahon urushida qozonilgan g‘alabaning 80 yilligiga bag‘ishlangan MDH PAning tantanali majlisida O‘zbekiston xalqining urushda namoyon etgan tarixiy jasoratini buyuk iftixor bilan e’tirof etdik.

Biz har doim ota-onalarimiz, fashizmga qarshi kurashib dunyoni qutqarishda ulkan hissa qo‘shgan barcha insonlarning qahramonliklarini chuqur hurmat bilan yodda saqlaymiz.

Davlatimizda urushning barcha mashaqqatlarini boshidan kechirgan avlod xotirasiga hurmat va vatanparvarlik ruhida yosh avlodni tarbiyalash bo‘yicha tizimli ishlar amalga oshirilmoqda.

Har bir mehnat faxriysi va yoshi ulug‘ insonlarga ijtimoiy yordam ko‘rsatish bo‘yicha chora-tadbirlar majmuasi qabul qilindi. Bu boradagi ishlarni kelgusida ham davom ettiramiz.

#senat #mdh

@tanzilanarbaeva

🇺🇿🇺🇿🇺🇿Tinchlik va ozodlik yo‘lida jonini fido qilgan millionlab insonlarning jasoratiga chuqur minnatdorlik va hurmat ifodasi sifatida Piskarev memorial qabristoniga gulchambarlar qo‘yish marosimida ishtirok etdik.

Fidoiylik va hamjihatlik bilan yelkama-yelka turib, ikkinchi jahon urishida g‘alaba qozonilishida o‘zbek xalqining jasorati beqiyosdir. Biz qahramon ajdodlarimiz yorqin xotirasi oldida bosh egamiz.

#senat

@tanzilanarbaeva