#тил_сандиғидан
Эгизак сўзи этимологияси
Истанбулдаги хиёбонлардан бирида ўрта ёшлардаги аёл уч болага мўлжалланган махсус аравачада чамаси 2-3 ойлик чақалоқларни сайр қилдириб юрибди.
Бироздан кейин у мен ўтирган ўриндиқ ёнига келиб ўтиради. У билан гаплашгим келди. «Икизми?» дейман. Аёлнинг негадир аччиғи чиқади. Кўрмаяпсанми, дейди.
Мен ҳайрон қоламан. Чақалоқлар бир-бирига ўхшаш, кийимлари ҳам бир хил. «Абла» (опа), дейман, мен яқинда келганман, бирор ўринсиз гапирган бўлсам, узр. Суҳбатдошим бироз сокинлашади.
«Икиз дейил, учиз!» дейди у дона-дона қилиб таъкидлаб. Шунда «иккилик эмас, учлик» деётганини тушунаман. «Бизда учталиги ҳам, тўртталиги ҳам эгиз, эгизак деб айтилади», дегим келдию, индамадим.
«Бирдан тўрт бола туғилса-чи», сўрайман ундан. «Тўртиз деб айтилади». Демак, ўзимиз Ҳасан-Ҳусан, Фотима-Зуҳрамиз ҳақида ишлатадиган «эгизак» сўзи турк тилидан, «икиз» сўзидан олинган экан. Форсча «-ак» қўшимчаси эса кейин қўшилган.
Мустаҳкам Тангриёрова
(xabar.uz сайтидан олинди.)
@tahrir_uz
Эгизак сўзи этимологияси
Истанбулдаги хиёбонлардан бирида ўрта ёшлардаги аёл уч болага мўлжалланган махсус аравачада чамаси 2-3 ойлик чақалоқларни сайр қилдириб юрибди.
Бироздан кейин у мен ўтирган ўриндиқ ёнига келиб ўтиради. У билан гаплашгим келди. «Икизми?» дейман. Аёлнинг негадир аччиғи чиқади. Кўрмаяпсанми, дейди.
Мен ҳайрон қоламан. Чақалоқлар бир-бирига ўхшаш, кийимлари ҳам бир хил. «Абла» (опа), дейман, мен яқинда келганман, бирор ўринсиз гапирган бўлсам, узр. Суҳбатдошим бироз сокинлашади.
«Икиз дейил, учиз!» дейди у дона-дона қилиб таъкидлаб. Шунда «иккилик эмас, учлик» деётганини тушунаман. «Бизда учталиги ҳам, тўртталиги ҳам эгиз, эгизак деб айтилади», дегим келдию, индамадим.
«Бирдан тўрт бола туғилса-чи», сўрайман ундан. «Тўртиз деб айтилади». Демак, ўзимиз Ҳасан-Ҳусан, Фотима-Зуҳрамиз ҳақида ишлатадиган «эгизак» сўзи турк тилидан, «икиз» сўзидан олинган экан. Форсча «-ак» қўшимчаси эса кейин қўшилган.
Мустаҳкам Тангриёрова
(xabar.uz сайтидан олинди.)
@tahrir_uz