Qiziq savol

To'yib osh yedingiz, ketidan desertga tort yeb, ustidan bir stakan to'ldirib kola ichdingiz. Nafas olishga ham joy qolmadi. Bo'kib qoldingiz. Yeb-ichish xohishi so'ndi. Qorin g'ami yo'q.

Hech o‘ylab ko‘rganmisiz, hayotingizning boshqa jabhalarida ham shunday bo'lsa-ya?

Biz insonlarning e’tiborini tortish, o‘zimizni muhim his qilish yoki maqtov eshitish uchun yelib-yuguramiz. Tasavvur qiling, sizda shunchalik ko‘p e’tibor va maqtov borki, bo'kib qoldingiz. Nima qilgan bo‘lardingiz? Nimalarni qilishni to‘xtatardingiz?

Pul uchun qilmagan ishimiz qolmaydi. Tasavvur qiling, Qorunning mol-dunyosini to'pladingiz, puldan zerikdingiz. Unda nima qilgan bo‘lardingiz? Nimalarni qilishni to‘xtatardingiz?

Bu dunyoning matohlari-yu insonlarning maqtovlaridan "bo'kib qoldingiz". Tabiiyki, faqat pul yoki e’tibor uchun qilib yurgan ishlaringizni to‘xtatasiz, shunda nima qolardi? Siz kim bo‘lardingiz? Nimaga intilardingiz?

"O‘tirib hech narsa qilmayman" demang, chunki ma'nosiz dam olishdan ham zerikasiz. Hammasidan keyin, boshqalarga yana foydali bo‘lishga tayyor bo‘lganingizda nima qilishingiz haqida so‘rayapman.

Rostdan, nima qilgan bo'lardingiz?

©️Savol Derek Siversning "Hell Yeah Or No" kitobidan tarjima qilindi.