"Kafedra kunlari" doirasida talabalar bilan davra suhbati tashkil etildi

Botanika, biotexnologiya va ekologiya kafedrasi professor-o‘qituvchilari "Kafedra kunlari" doirasida 3-sonli talabalar turar joyida bo‘lib, talabalar bilan samimiy va mazmunli davra suhbati tashkil etdilar. Ushbu tadbirda talabalar va professor-o‘qituvchilar o‘zaro fikr almashib, ilm-fan, atrof-muhit muhofazasi va biotexnologiyaning zamonaviy yutuqlari haqida bahs yuritishdi.

Suhbat davomida ekologik muammolar, innovatsion texnologiyalar hamda o‘simlikshunoslik va biotexnologiyaning bugungi kunda jamiyat rivojlanishidagi o‘rni haqida turli qiziqarli savollar berildi. Tadbir yanada qiziqarli o‘tishi uchun viktorina shaklida tashkil etilib, eng faol va bilimdon talabalar aniqlab olindi. G‘oliblar esa kafedra tomonidan esdalik sovg‘alari bilan taqdirlandilar.