Ona baribir ona ekan. Bolasi 50 kiradimi, 100 gami farqi yoʻq. Oʻlsak eng koʻp kuyunadigan odam ona boʻlarkan baribir.

Kecha kechqurun togʻam oʻtib qoldi. 56 yoshda. Xabarni eshitgan 83 ga kirgan enam shunchalar oʻzlarini oldirib qoʻydilar, noilojlikdan “skoroy” chaqirdik.

Jiyan sifatida 3 kun siqilaman, keyin yana oʻz hayotimga shoʻngʻib ketaman. Aka-ukalar, farzandlari ana borsa 1 oy siqilar. Enam esa endi umrini oxirigacha har eslaganda yigʻlab oʻtadilar.

Haa farzand dogʻi kuydirmasin ekan. Ovutishga harakat qilsak ham foyda bermayapti. Nailoj, Xudo onalarni shunday yaratgan.

Togʻamni esa Alloh gunohlarini magʻfirat etsin, joylarini jannat qilsin. Omin