Svoya igra baza

Yapon brendlari (Muallif: Alisher Ashurov)

10. Bu onlayn savdo bilan shug’ullanuvchi kompaniyaning nomining ma’nosi "optimizm" bo’lib, 2016 yilda ma’lum bir joyda Qatar Foundation o’rnini egallaydi va 2020 yilda Spotifyga bo’shatib beradi. Qaysi kompaniya?

Rakuten (“Barselona” klubi homiysi bo’lgan)

20. Ilk dzaybatsulardan biri bo’lgan bu kompaniyaga 1870 yilda Yataro Ivasaki tomonidan asos solinadi. Nomining ma’nosi "Uchta romb" bo’lib, bu uchta rombni kompaniya logotipida ham ko’rish mumkin. Qaysi kompaniya?

Mitsubishi

30. O’tgan asrning boshida tokiolik ishbilarmon Tokuji Hayakava o’tkirlashni talab qilmaydigan mexanik qalam ishlab chiqarishni boshlaydi. Bu qaysi brendning boshlanishi edi?

Sharp (tarjimasi "o’tkir" degani)

40. Yaponiyadagi BU yetakchi pivo va alkogolsiz ichimliklar ishlab chiqaruvchisini topishda sizga g’ijduvonlik tadbirkor tashkil etgan internet-do’koni nomi yordam beradi. Qaysi kompaniya?

Asahi (Feruz Allayev tashkil etgan “Asaxiy” brendidan 1 harfga kam)

50. 1981 yilda Masayosi Son tomonidan tashkil topgan bu bank yumshoqlik bilan Yahoo va Alibaba kabi kompaniyalarning yirik investorlariga aylangan. Qaysi bank?

Softbank (“Soft” inlizchadan “yumshoq” deb tarjima qilinadi)

Kartinalar kokteyli [Javoblarda ikkita kartina nomini aytish kerak] (Muallif: Komil Sanayev)

10. Uch chavandoz choʻmilayotgan daryoning sohilida, bir guruh odamlar chiranib nimanidir tortayotib ketyapti.

Javob: 1) Qizil otni choʻmiltirish [Petrov-Vodkin] 2) Volgadagi burlaklar [Ilya Repin]

20. Doʻstlari bilan muhim mashgʻulot ustida oʻtirgan it, uyga kayfiyatsiz kirib kelgan bolakayni koʻnglini koʻtarish uchun unga peshvoz chiqdi.

Javob: 1) Poker oʻynayotgan itlar [Kassius Kullidj] 2) Yana ikki [Fyodor Reshetnikov]

30. Buyumlarning erib ketayotganini koʻrgan inson, bunday gʻayrioddiy holatdan daxshatga tushar edi.

Javob: 1) Xotira abadiyligi [Salvador Dali] 2) Qichqiriq [Edvard Munk]

40. Oʻgʻlini oʻldirib qoʻygan otaning oldiga, qoʻlida bayroq koʻtarga bir ayol, norozi olomonni yetaklab kelardi.

Javob: 1)"Ivan Grozniy va oʻgʻli Ivan" [Ilya Repin] 2) "Xalqni ergashtirgan Ozodlik" [Ejen Delakrua]

50. Tropik tabiat qoʻynida ikki qiz, dengiz ortidan quyosh bosh koʻtarayotganidan hayratlanib qarab oʻtirishibdi.

Javob: 1)Toʻy qachon [Pol Gogen] 2) Taassurot. Chiqayotgan quyosh. [Klod Mone]

P harfidan boshlanuvchi ismlar (Muallif: Alisher Ashurov)

10. Nejati Shashmazni biz bu personaj orqali bilamiz. Qaysi personaj?

Po’lat Alemdar

20. Toshkent shahrining arxitekturasi haqidagi qizg’in kurashlar Uning "Olmos kamar" asarida tasvirlangan. Kimning?

Pirimqul Qodirov

30. U Prometey qilmishi uchun odamlarni jazolash maqsadida Zevs buyrug’iga ko’ra Gefest tomonidan yaratiladi. Zevs unga qiziquvchanlik bergan edi. Uni ayting.

Pandora

40. U Luchano Pavarotti va Xose Karreras bilan birgalikda "Uch tenor" nomli hamkorlikdagi konsertlarda ishtirok etgan. U kim?

Plasido Domingo

50. Gollivud shon-shuhrati xiyobonidagi 7083-raqamli yulduz UNGA tegishli. Sababi 007 raqam allaqachon boshqaga berilgan edi. U kim?

Pirs Brosnan (Jeym Bond rolini 5-chi bo’lib ijro qilgan aktyor)

Nafaqat italyan rejissyorlari filmlari (Muallif: Alisher Ashurov)

10. Amsterdamda ULAR bilan kurashish uchun politsiya sun’iy yo’ldoshli navigatsiya uzatgichlari bilan jihozlangan “tuzoqlardan” foydalanadi. Ularni ayting.

Velosiped o’g’rilari (Vittorio De Sika filmi, 1948 yil)

20. Savol muallifining fikricha, Vittorio de Sika bilan Guditta Rissonening ittifoqini SHU ikki so’z bilan nomlash mumkin.

Italyancha nikoh (Vittorio De Sika filmi, 1964 yil)

30. Davom etamiz. Bir paytlar aktrisa Anna Manyani rejissyor Roberto Rossellinining boshiga makaronlarni to’kadi. Jurnalistlar bu voqeani qaysi ikki so’z bilan atashadi?

Italyancha ajralish (Pyetro Djermi filmi, 1961)

40. Yog’lik, ko’p shakarli ovqatlar, fast-fudlar iste’mol qilish natijasida yuzaga qandli diabet, semizlik va gipertoniya birgalikda metabolik sindrom deyiladi. Bu sindromning norasmiy nomini ayting

Shirin hayot, qabul: La Dolche Vita (Fellini filmi, 1960 yil)

50. Haqiqiy gangsterga aylangan sobiq do’stlari Robert haqida: “Bobbi omadsiz chiqdi, u jiddiy ishlarni qilishi mumkin edi, lekin u arzimagan chaqalar evaziga butun Nyu-York bo’ylab kezib yuribdi", deb aytgan edilar. Biroq, ma’lumki, qachonlardir U Lapsha degan laqabga ham ega bo’lgan. Uch so’z bilan aniq javob bering: qachon va qayerda?

Bir vaqtlar Amerikada (Gap Robert De Niro haqida edi, film rejissyori Serdjo Leone, 1984 yil)

Matritsali -BAR- (Mualliflar: Komil Sanayev (10-40 ballik) va Alisher Ashurov (50-ballik)

20. Murod Muhammad Doʻst oʻz dunyoqarashi, ijtimoiy-axloqiy qarashlari va hayotiy pozitsiyasini koʻp jihatdan ushbu personaji orqali asarlarida aks ettiradi. Personaj familyasini ayting.

Javob: [Toshpoʻlat] Gʻaybarov

20. Aytish mumkinki, andijonlik Romeo va Juliyettalarning farzandi boʻlgan ushbu aktrisaning oydek ovozi bor edi. Qaysi aktrisa?

Javob: Oybarchin Bakirova (Izoh: Bizga ovozi bilan tanish boʻlgan Oybarchin Bakirova andijonlik mashxur aktyor aktrisalar, Shekspirning Romeo va Julyettasining ijrochilari Abbos Bakirov va Qamara Burnashevalarning qizi edi)

30. Savol matnida ikkita soʻz boshqa ikkita soʻzga almashgan. Ekzotik husnga ega Rihanna haqidagi maqola «Trinidadlik Triniti» deb nomlangan. Trinidad va Triniti soʻzlari bilan almashgan ikkalasi ham mavzuimizga mos tushadigan soʻzlarni ayting.

Javob: Barbados, Barbi (Rihanna Barbadosda tug’ilgan)

40. Bir yumoristik ertakda Barmaley familyali qaysar astronom personaj bor. Ushbu personajning ismi nima edi?

Javob: Barmaleo
Izoh: Barmaleo Barmaley – Galileo Galileyga parodiya edi.

50. Javob 1 so’zda. Seagate Technology kompaniyasi tomonidan ishlab chiqariladigan USHBU qattiq disklar savdo belgisi nomi skumbriyasimonlar turkumidagi dengiz yirtqich baliqlar oilasi nomi bilan bir xil. Bu nomni ayting.

Javob: Barrakuda

V harfidan boshlanuvchi O’zbekistondagi toponimlar (Muallif: Alisher Ashurov)

10. 10-asrgacha Buxoro hokimlari – buxorxudotlar qarorgohi bo’lgan. Shahar nomi Afraxsha shaklida ham uchraydi. Qaysi shahar?

Varaxsha

20. Buxorodagi bu toponim “bo’z yerdagi, qo’riqdagi qishloq” degan ma’noni bildiruvchi o’g’uz shevalaridagi “vaxob” so’zidan olingan ekan. Toponim nomi?

Vobkent

30. Farg’ona tumani markazi. Nomini ko’pchilik “ochiq ko’ngil” deb ifodalaydi. Ra’no Zokirova shu yerlik “kelin” hisoblanadi. Qayer?

Vodil (“Vodillik kelin” filmi, “Vo-dil” – “ochiq ko’ngil” degani)

40. Karmana tumanidagi qishloq nomi. So’g’diycha “to’g’on” degani. Bu so’z Rudakiy asarida bandivarg shaklida tilga olingan. Qaysi qishloq?

Varq

50. Javobni qo’rqmasdan ayting. Xorazm viloyati Xazorasp tumanidagi qishloq. Arabcha “vaqf” so’zining mahalliy xalq tilidagi talaffuzi natijasida o’zgargan. Qishloq nomi?

Vaxm

P dan T gacha (Muallif: Alisher Ashurov)

10. Nankin, Lagos, Xarkov, Yangon va Karachi shaharlari o’z vaqtida U bo’lgan. U ayting.

Poytaxt

20. Muhim siyosiy ahamiyatga ega bo’lgan xalqaro shartnoma, bitim. Eng mashhurlaridan birini Ribbentrop va Molotov imzolagan. U nima?

Pakt

30. Shvetsiyadagi U Riksdag deb nomlanadi. Uni ayting

parlament

40. Volkswagen kompaniyasining bu avtomobil markasi turli davatlarda Dasher, Santana, Quantum, Magotan, Corsar kabi nomlarda ishlab chiqarilgan edi. Ushbu avtomobil markasini ayting.

Passat

50. Ijtimoiy-siyosiy mavzuga bag’ishlangan, aniq bir shaxs yoki hodisani mazax qilib, ularning illatlarini fosh qilishga qaratilgan kichikroq publitsistik asar. Nurali Qobul 7 kitobdan iborat SHUNDAY roman yozgan. Uni ayting.

Pamflet

Mavzular mavzusi (Muallif: Komil Sanayev)

10. "Maxaroja" yoki "Shahanshoh" soʻzlari oʻzbekchaga shunday tarjima qilinadi. Qanday?

Javob: Shohlar shohi

20. 1966-yilgi “Olovuddinning sehrli chirog’i” filmida ushbu rolni Georgiy Millyar oʻynagan. Qaysi rol?

Javob: Donolar donosi

30. Uning birinchi egasi 1961 yilda Fiorentina, eng oxirgisi 1999 yilda Latsio klublari hisoblanadi. Uni bir nechta so’zda ayting.

Javob: Kubok egalari kubogi (qabul: UEFA kubogi egalari kubogi, Yevropa kubogi egalari kubogi)

40. BU ATAMA yahudiylar yig’iladigan chodir - skiniyaning ichidagi asosiy bo’lmani bildirgan, u bo’limda Xudoning ahd sandig’i joylashgan edi. Qanday atama?

Javob: Muqaddaslarning muqaddasi (qabul: Святая святых)

50. Abdurahmon ash-Shihaning Muhammad alayhissalom haqidagi eʼtiroflar toʻplami shunday nomlangan. Qanday?

Javob: Buyuklardan buyuk

Mevali mavzu (Muallif: Alisher Ashurov)

10. Bu terminni ilk bor O.Genri o’zining 1904 yilgi “Qirollar va karam” nomli qissasida Anchuriya deb nomlangan xayoliy kichik Lotin Amerikasi davlatiga nisbatab ishlatgan edi. Qaysi termin?

Banan respublikasi

20. Bu nafaqat sitrus meva, balki portugallar tomonidan Xitoy, keyinchalik Koreya va Vyetnamdagi amaldorlarga berilgan nom. Shuningdek, Xitoy tilining lahjasi ham. Uni ayting

mandarin

30. Rassom Filipp Xaas fermerlar yordamida USHBU RASSOM asarlarining ulkan uch o’lchamli namunalarini yaratgan. Ko’rgazma, albatta, ochiq havoda bo’lib o’tgan edi. Qaysi rassom?

[Juzeppe] Archimboldo

40. 2023 yilda 250 ta plastik paketdan iborat maxsus kiyimida Toshkent shahrining markaziy joylarida aylangan ekobloger Mo’tabar Xushvaqtova Internetda shu nomda tanilgan. Qaysi nom?

O’rikguli

50. Maseduan nomli mevali kompot qoidalarga ko’ra faqat SHUNDAY mevalardan tayyorlanadi. Shuning uchun maseduanning 4 xil turi mavjud. Qanday mevalardan?

Bir mavsum hosilidan olingan mevalardan (bahorgi, yozgi, kuzgi, qishki turlari)

Geogesser (Turli mamlakatlarning diqqatga sazovor joylari) (Muallif: Alisher Ashurov

10. BU DAVLATDA turistlar ko’rishlari mumkin diqqatga sazovor joylari quyidagilar: Selung’ur g’ori, Talasning runik yodgorliklari va Manas Ordo me’moriy kompleksi. Qaysi davlat?

Qirg’iziston

20. BU DAVLATDA turistlar ko’rishlari mumkin diqqatga sazovor joylari quyidagilar: Naqshi-Jahon maydoni, Bog’i Eram va Zardusht kaabasi. Qaysi davlat?

Eron

30. BU DAVLATDA turistlar ko’rishlari mumkin diqqatga sazovor joylari quyidagilar: Ryugon mehmonxonasi, Kimsuan Quyosh saroyi va 1 may stadioni. Qaysi davlat.

Shimoliy Koreya (KXDR)

40. BU DAVLATDA turistlar ko’rishlari mumkin diqqatga sazovor joylari quyidagilar: Jupni qasri, Aushvits-Birkenau davlat muzeyi va 310 metr balandlikka ega Varso binosi. Qaysi davlat?

Polsha

50. BU DAVLATDA turistlar ko’rishlari mumkin diqqatga sazovor joylari quyidagilar: Istana saroyi, Jamay masjdi va Rafflz mehmonxonasi. Qaysi davlat?

Singapur

Shunday qilib Transferlar oynasi ham ochildi....)

🤍

Atirgullar (Muallif: Alisher Ashurov)

10. "Oq atirgullar" unga katta mashhurlikni olib kelgan edi. Kimga.

Umida Mirhamidova

20. "Nasroniy atirguli" BU turk yozuvchisi uchun navbatdagi asarlaridan biri hisoblanadi. Qaysi yozuvchi?

Amina Shenliko’g’lu

30. Sovet davrida uning Qonli atirgul nomli taxallusi ko’p tilga olinmagan. Kimning?

Roza Lyuksemburg

40. Veronika Kastroga 1987-88 yillarda USHBU Meksika serialda rol ijro qilishi katta shuhrat keltirgan. Qaysi serial?

Yovvoyi atirgul (qabul: “Дикая роза”)

50. Bu yozuvchining “Paratsels atirguli” hikoyasida Paratsels so’z kuchi bilan atirgulni kuldan qaytadan jonlantirishga muvaffaq bo’ladi. Qaysi yozuvchi?

Xorxe Luis Borxes