📌 Savdogarlar patta narxi oshganidan norozi. Bozor mas’ullari nima deydi?

Poytaxt bozorlarida yig‘imlarning yangi miqdorlari tasdiqlandi. Xususan, bir martalik patta puli bozor va sotiladigan mahsulot turiga qarab 10% dan 30% gacha oshirildi.

Bu ayrim savdogarlar e’tirozlariga sabab bo‘ldi. “Spot” vaziyatni o‘rganish maqsadida “Eski Juva” dehqon bozorida bo‘lib, tadbirkorlar va bozor mas’ullari bilan suhbatlashdi.

Sotuvchilar yig‘im miqdori hokim qaroridan keyin oshganini tasdiqladi. Ulardan ayrimlari bu mahsulot narxiga ta’sir ko‘rsatmasligini qayd etishdi. Biroq, mavsumiy mahsulotlar savdosi bilan shug‘ullanuvchilar to‘lovda qiynalishayotganini ma’lum qildilar.

“Eski juva” bozori direktori o‘rinbosari Nasrullo Meliqulov yangi narxlar bilan barcha tadbirkorlar oldindan tanishtirib chiqilganini qayd etganiga qaramay, sotuvchilardan ayrimlari bu haqida ma’lumot berilmaganini bildirishdi.

“Ijara narxi oshishidan tadbirkorlar norozi bo‘lishi tabiiy. Lekin o‘tgan yili mahsulotini bir so‘mga sotgan sotuvchi, bu yil o‘sha narxga sotmaydi-ku. Bunda [narxlarni belgilashda] xarajatlar hisobga olinadi”, — dedi Nasrullo Meliqulov.

Shuningdek, u tadbirkorlar ko‘p savollar berishganini, biroq yozma xat va arizalar bilan murojaat qilishmaganini ta’kidladi:

https://www.spot.uz/oz/2025/02/21/patta/

Telegram | Instagram | YouTube