Ba'zida yolg‘iz qolib ham turish kerak.

— Ochiq osmon ostida, shahar shovqini va odamlardan uzoqda. Faqat qushlarning chug‘urlashini tinglab, tepada uchib o‘tgan samolyotni kuzatib o'tirgan holda.

Atrof shunchalik jimki, vaqt go‘yo sekin oqayotgandek yoki butunlay to‘xtab qolgandek tuyuladi. Miyadagi o‘y-fikrlar atrofdagi narsalarga singib, ular orqali so‘zlayotgandek. Go‘yo ko'ngil atrof bilan birlashib, men esa uni ichiga tushib qolgandek.

Ba’zan shovqinli hayotdan uzoqlashishni xohlayman. Ichimda esa ulg‘ayishni istamaydigan, lekin bu jarayonni boshidan o‘tkazayotgan qizcha bordek. Xuddi jarlikdan o'tish uchun ingichka arqonga qadam qo‘yib, har safar ortga qarab, oldinga yurishni istamayotgan inson kabi.

Ba’zan shunchaki kuzatish kifoya. Bu sukunat ichida hamma narsa mavjuddek. Juda ko‘p anglashlar bo‘ladi.

I lost track of time staying here; an hour passed without me noticing, and probably I'll spend a few more!