Qizim bo'lganida nimalar degan bo'lardim..:
• Qizim, eng birinchi bilishing kerak bo'lgani bu - Sen chin Baxt ekanliging. Qiz bolaman dema, aynan qiz bola bo'lganing uchun ham yaxshi ko'ramiz Seni. Hayotimizga eng katta quvonchni Sen olib kelasan ishon.
•Qizim, eng muhimi o'zingni sev, doim o'zinga ishon. Qadringni, o'rningni bil. O'rni kelganda jiddiy, vaqti kelganda shodon yur. Unutma, Sen eng chiroyli, eng betakrori, takrorlanmasisan. Har narsaning o'z vaqti borligini tushun. Sen o'zingni sevolsangina, atrofdagilar Seni hurmat qiladi.
•Qizim, avvalo diningni o'rgan. Ilmli bo'l. Ishon, Menda borini Senga o'rgataman bitta ham qoldirmay. Ammo, Sen ilmingni yanada orttir. Qara, Men xozir aynan Sen uchun o'qiyapman, o'rganyapman. Islomni go'zalligini, Allohning mehrini Senga anglatish uchun. Men Sen uchun harakat qilayotganimdek, Sen ham farzandlaring uchun o'rgan. Unutma, diningni unutsang, butkul adashasan. Sen ahir ummatni tarbiya qilasan.
•Qizim, dunyoviy bilimlarni ham unutma. Dunyoqarashingni kengaytir, kitob o'qi. Badiy adabiyot olamida suz. Yangi narsalar o'rgan. Tillar o'rganib qo'y. Kelajaging doim harakatinga bog'liq.
•Qizcham, orzu qilishni o'rgan. Ularni maqsadga, so'ng reallikka aylantir. Parvo qilma, mayli Seni hayolparast deyishsin, Men Seni tushunaman muhimi. Hayollarini sevadigan, ularni hayotga ko'chirgan ajib qiz bo'lgin.
•Qizim, qiz bola bo'lganing uchun ko'p qiynalishing, nohaqliklarga uchrashing mumkin. Ammo ezilma. Kuchli bo'l. Ko'rsatib qo'y hammaga. Jamiyatda o'z o'rningni top. Buning uchun Senga yaxshi o'rnak bo'lishga harakat qilaman.
•Qizcham, hayot bir tekis emasligini tushun. Ba'zida tekisroq yo'ldan yursak, ba'zida o'nqir-cho'nqir yo'llardan yurishga to'g'ri keladi. Hatto ba'zida halokatga uchrashimiz ham mumkin. Ammo, Sen doim har qanday vaziyatda kuchli bo'lishni, oyoqqa turolishni, tabassum qilishni, hayotning notekis yo'llaridan sakrab-sakrab o'tishni o'rgan. Ammo o'ksima, hayot faqat qora va oqdan iborat emas. O'zing ularni chiroyli ranglar ila beza. Senga ishonaman.
•Qizalog'im, Senga Odamlar yaxshi' deyolmayman, ammo ularni Mendek yaxshi ko'r. Eng qabih ish: orqalirdan gapirma. Ular bilan ishing bo'lmasin. Allohning oldida barchamiz teng ekanligimizni angla. Shunchaki ularga doim hayirlisini tila.
•Qizim, Sev. Butun borliqni, koinotni. Tabiatni, qushlarni. Atrofingdagi barcha barchasini. Har biri mo'jiza ekanligini tushun. Har biri baxtlantirsin Seni. Doim 3 yoshingdagi kabi beg'uborligingcha qol.
•Qizcham, Seni doim tushunishimni his qil. Kimndir sevib qolsang yugurib Menga ayt. Ishon, ayblamayman, quvonaman, maslahat beraman. Sirdoshing bo'lay. Yaqinlarni atrofingdan emas, Mendan top. Doim Senda Men bor ekanligimni his qil.
•Qizim, balki ideal Ona bo'lolmasman. Ba'zida urisharman. Ammo doim Senga yaxshi bo'lishini tilashimni bilgin. Men Seni har qanday holingda, har qanday kayfiyatingda, har qanday darajangda ham sevaveraman. Eng ko'p Seni sevaman, unutma.
•Qizcham, kundalikar tut. She'rlar yod ol. Ularni chiroyli o'qi. Maktublarni sev. Huddi 18 asr malikalaridek ta'bing bo'lsin. Muhimi Qalbingni asra. Uni doim pok tut.
•Qizcham, g'alati bo'lishdan hech ham uyalma. Ahmoqlarga o'xshab odamlar nima deydi' dema. Yasha, yaxshi yasha, chiroyli yasha. Jinniliklar bilan yasha. Afsus qilmaslik uchun ham g'alati yasha. Qo'shiq kuyla, raqsga tush, g'alati yemaklar pishir, musiqa chalishni o'rgan. Ha, chiroyli yasha. Uyalma. O'zingdan, hislaringdan, yuzingdan, qalbingdan. Niqobsiz yasha.
•Va eng asosiysi unutma, Men Seni doim sevaman, doim ishonaman, doim qo'llayman, doim yoningda bo'laman. O'zingni asra....💜
@shodiyor_qizi🤍
