Анорчилар Ассоциацияси раиси ўринбосари Баҳтиёр Шерматов ўзининг
“Анорчилар Ассоциацияси фаолияти ҳақида” ги чиқишида шундай фикрларни билдирди:
“Ўзбекистон Анорчилар Ассоциацияси 2022 йил 25 июлда ташкил этилди. Ассоциациянинг АСОСИЙ МАҚСАДЛАРИ қуйидагилар:
-Ўзбекистондаги барча анорчиларни бирлаштириш;
-Анор ишлаб чиқарувчиларнинг манфаатларини қўллаб-қувватлаш;
-Анор етиштиришни янада ривожлантириш ва анор етиштиришнинг илғор тажрибаларини оммалаштириш;
-Анорнинг янги истиқболли навларини яратиш;
-Маҳсулотларни стандартлаштириш ва сертификатлаштириш;
-Маҳсулотларни брендлаш, халқаро кўргазмаларда иштирок этиш ва халқаро ҳамкорликни кенгайтириш.
Ассоциацияларни ривожлантиришга алоҳида эътибор қаратмоқда. Бунинг учун йўл харитаси ишлаб чиқилган бўлиб, унда мева-сабзавот маҳсулотлари етиштирувчилари уюшмасининг салоҳияти ўрганилиб, уларни ривожлантириш бўйича таклифлар келтирилган.
Ўзбекистон Озиқ-овқат саноати уюшмаси билан ўзаро ҳамкорлик меморандуми имзоланди.