Turkiyada hozirgi vaqtda iqtisodiy inqiroz davlat hisob-kitoblari bo'yicha o'sishdan to'xtamoqda. Ya'ni vaziyat yumshamoqda. Lekin, xalq aynan shu kunlarda har doimgidan oğirroq o'tkazmoqda. Ya'ni, inqirozning asl to'lqini ana endi xalq turmushi va ruhiy holatida o'z ta'sirini ko'rsatyapti. Kutilmagan darajada "kaos" bor xalqda. Lekin, xalq tishini tishiga qo'ymoqda. Bir necha yil oldin xalq narxlar ko'tarilib ketayotganidan shikoyat qilar ekan "Topganimiz faqat yeyish ichish uchunmi? Biz bir boshqa shaharlarga borib dengiz bo'ylarida dam olib kelmaylikmi?", derdi. Hozir yashash shu qadar qiyinlashib ketganidan, dam olishga borish u yoqda tursin, topgan pullari boshpanasi va qorniga yetmayotganidan nolimoqda.

Misol uchun, ayni kunlarda shaxsiy mashinasi bor bir kishi İstanbuldan İzmir shahriga o'z mashinasida borishning(e'tibor qarating, faqat borish) harajati 3000 TL bo'libdi. Bu 1 mln 100 ming so'm degani. Masofa 400 km atrofida. Bu harajatlar yoqilği, pulli ko'priklar va pulli yo'llarni o'z ichiga oladi.

Yaxshiroq tasavvur uyğonishi uchun Turkiyada bu miqdordagi pulning qadrini tushuntirib o'taman.

3000 TL topishiz uchun 4 kun 10 soatdan ishlashingiz kerak.

3000 TL ga 4 kilodan ortiqroq suyaksiz mol go'sht olishiz mumkin.

3000 TL ga qish mavsumida 2 yoki 3 xonali uyingizni bir oylik gaz to'lovini qilishiz mumkin.