,, Sog'indim demaysiz..."

Iztirob chekasiz, bilaman sizni,
Pinhona izhorlar qalbingizda jam.
Bitta so'z aytmoqni yillarcha surib,
Sog'indim demaysiz, sog'insangiz ham.

Kiprikdan yumalab tiziladi yosh,
Qatra ishq, diydorga qiladi alam.
Ko'rmoq istaysiz - u, yonimga kelib,
Sog'indim demaysiz, sog'insangiz ham.

Bugunlar tugaydi ertani kutib,
Kechalar keladi ko'ksi to'la g'am,
Armonning kulini ko'kka sovurib,
Sog'indim demaysiz, sog'insangiz ham.

O'zi sevasiz - u, o'zingiz bilmay
O'zingizdan qochib tutasiz motam.
Ichingizda bir tog' qulab bitar - u,
Sog'indim demaysiz, sog'insangiz ham...

✍ Munavvara_Dilroz ✍

@sheriyat