ЁМОНЛАРДАН ЭҲТИЁТ БЎЛИНГ.

Яхши кунни тилайман сизга,
Хатолардан эҳтиёт бўлинг.
Азизларим кераксиз бизга,
Ёмонлардан эҳтиёт бўлинг.

Сизни авраб, кириб пўстизга,
Айланиб энг, содиқ дўстизга,
Ҳамла қилса гар оёғизга,
Илонлардан эҳтиёт бўлинг.

Қонингизда ёлғон оқмасин,
Ёзганларим майли ёқмасин,
Кўзингизга қаранг чақмасин,
Чаёнлардан эҳтиёт бўлинг.

Бир беҳаё кўзин сузса гар,
Занжир боғлаб режа тузса гар,
Ботқоқларга ботса тизза, гар,
Гумонлардан эҳтиёт бўлинг.

Қарз беришдан, олиши қийин,
Ҳаёт қисқа мураккаб ўйин,
Сизни ухлаб кетиши тайин,
Қуёнлардан эҳтиёт бўлинг.

Зар чапониз кўролмаслар бор,
Сизни кўриб, туролмаслар бор,
Уйингизни талашга тайёр,
Сичқонлардан эҳтиёт бўлинг.

Шеърман деган қочса майдондан,
Мардман деган, баттар ҳайвондан,
Нима керак ғийбат сотгандан,
Тулкилардан эҳтиёт бўлинг.

Шеър ёзади номиз қоралаб,
Базм қилар одам саралаб,
Уч кун ўтмай келар аралаб,
Нодонлардан эҳтиёт бўлинг.

Эгри йўлга бошлайди сизни,
Чалкаштириб юқотар изни,
Жуда қаттиқ боғлайди кўзни,
Шайтонлардан эҳтиёт бўлинг.

Бергувчи ҳам, олгувчи Аллоҳ,
Сиз сабрдан топгайсиз паноҳ,
Умр қисқа, қилмангиз гуноҳ,
Ёмонлардан эҳтиёт бўлинг.

ҚУРБОНАЛИ ТEРМИЗИЙ ✍

@Sheriyat