🔥Ona men charchadim

Ona men charchadim to'g'risi to'ydim!
Hayot tashvishlari boshimni egdi.
Shunchaki hech kimga ishonmay qo'ydim,
Bugundan hammasi jonimga tegdi.

Ona men charchadim tog'risi to'ydim!
Dunyolar tor bo'lib ketdi ko'zimga,
Bolalik chog'dagi kulgularimni,
Yo'qotib kelolmay qoldim o'zimga.

Ona men charchadim tog'risi to'ydim!
Bir jonim ming og'riq azobin totgan.
Ayrimlar vafoni o'rtaga qo'yib,
Uyat andishasiz sirimni sotgan.

Ona men charchadim tog'risi to'ydim!
Madorim qolmadi kurashmoqlikka,
To'ydirdi bo'xtonlar foydasiz endi,
Hushim yo'q umr deb tirashmoqlikka.

Ona men charchadim tog'risi to'ydim!
Tosh qotgan yuraklar ezilmaydimi?
Sening ham og'lingni dardi borligi,
Shunchalik hech kimga sezilmaydimi?

Ona men charchadim tog'risi to'ydim!
Kuyib yonmoqdaman ko'ksimni sovut.
O'zimmmas ko'zlarim yig'lab yuborsa,
Sarvar Mirzoyingni quchoqla ovut.

Muallif✍Sarvar Mirzo
23.12.2024. 01:08
❌Muallif ruxsatisiz foydalanilmasin

@sevgi_haqida_sherlarimiz