♻️Bu she'rdan keyin hamma qizlar sevgan yigiti bilan velosiped haydagisi kelib qolishi aniq)

Sen erkin hayotga bo'lib mubtalo..
Yomon ko'zlardanda asraysan etni..
Taqdir ko'chasiga bo'lib ro'baro..
Ohista haydaysan velosipedni..

Boshingda shlyapa yoyilgan soching..
Velosiped izmi izmingga tushgan..
Bu ranggin lahzalar o'ngmi yo tushmi?
Tush bo'lsa uyg'onib ketmayin tushdan..

Xullas erkingdadur jamiki lahza..
Yashnatsang yashnaysan umr bog'ini..
Xayolga berilsang jiringlatasan..
Velosipedingning qo'ng'irog'ini..

Menda niyat jiddiy umidim xolis..
Orzu qutichamda yo'q boshqa narsam..
Belimdan ohista quchoqlasang-u..
Velosipedingni o'zim boshqarsam..

Va yursak oxirsiz manzillar tomon..
Mamnun aylagancha bir-birimizni..
Velosiped bizga kashf etib bersa..
Bir umr kutilgan taqdirimizni)

✍Faxriyor Baxtiyorov

@sevgi_haqida_sherlarimiz