NOLA

Sevdim deding - ishondim,
soʻzlaringga koʻndirding.
Nigohingda eritib,
olovmisol yondirding.
Qoʻllarimdan tutib sen,
olib chiqib osmonga
Qoʻyib yubording asta,
          yuragimni sindirding.

Sevdim deding - bagʻrimni,
puch yongʻoqqa toʻldirding.
Ishqqa toʻla koʻnglimni,
uzib olib soʻldirding.
Quvonchlarim bir olam
dunyolarga sigʻmasdim.
Ezib, bugʻib, burdalab
             orzularim oʻldirding.

Sevdim deding - qalbimni,
oʻzing bilan qoldirding.
Qaytib berar deb kutib,
koʻzlarimni toldirding.
Nafrat bilan sevgini
yuragimga joylab sen,
Tikib qoʻyib  ustidan,
          oʻz oʻzimdan tondirding.

Sevdim deding - ishondim,
oʻzginangga ogʻdirding.
Oʻz sevgimni oʻzimga
ayamasdan boʻgʻdirding.
Tan olmay ahdlarimiz
qoldirib aro yoʻlda,
Boshginamga turli xil
          balolarni yogʻdirding.

Sevdim deding - ishondim
          armonlarga yedirding...

✍DILDORA  ABDINAZAROVA

@sevgi_haqida_sherlarimiz