Qachon endi...🤭

Qolgan umrim birgalikda oʻtkazay deb,
Koʻngillardan hijron dogʻin ketkazay deb,
Taqdir yutsin,  men sevinib yutkazay deb,
Qachon uyga sovchingizni joʻnatasiz?

Oq libosda jamolimni koʻrmoq uchun,
Kokilimni mayin tarab, oʻrmoq uchun,
Maxshar qadar suyib, birga boʻlmoq uchun,
Qachon uyga sovchingizni joʻnatasiz?

Koʻzlarim zor boʻlib ketdi qorangizga,
Yarmi boʻlay yurak degan porangizga,
Borligimni sekin ship-ship onangizga,
Qachon uyga sovchingizni joʻnatasiz?

Kutib-kutib, yosh anchaga yetib qoldi,
Qaysarligim qoʻrqmang ancha ketib qoldi,
Jiring desa yurak duk-duk etib qoldi,
Qachon uyga sovchingizni joʻnatasiz?

Sabr kosam butkul tugab bitmasidan,
Qadamlari ostonamga yetmasidan,
Boshqa sovchi shartta ilib ketmasidan,
Qachon uyga sovchingizni joʻnatasiz?

Mendan olis, firoqlarda baxtiz bormi?
Dilda sevgi, muhabbat-u ahdiz bormi?
Koʻrishgani kelib keting vaqtiz bormi?
Qachon uyga sovchingizni joʻnatasiz?

✍ Mumtozbegim

P/s: Shu soʻzlarni aytolmayotgan insonimizga sekin yuborib qoʻyamiz 😉💃

@sevgi_haqida_sherlarimiz