Sardor Dushamov | PHP forever

Ramazon qo’shig’i.

- Ramazon aytib keldik eshigingizga, 
- Xudoyim o‘g‘il bersin beshigingizga. 
- O‘choqda kul, karmonda pul, 
- Chiqara qoling 100 ming so‘m pul. 
- Ming so‘m pulni bog‘i bor, 
- Bog‘ida anori bor…

- Obchiqing, obchiqing
- Tog'oraga sob chiqing,
- Tog'oraga sig'masa
- Kartangizga sob chiqing

@Sardoroga_blog

Ramazon aytib, yaqinlarimizga ulashamiz. Plastik kartam bor, mobodo😅

Ramazon oyi hurmati, Pythonchilarga shu oy hazil qilmayman. 😊

Dasturchi bo‘lish belingizga qimmatga tushishi mumkin.

Belimiz badanimizning juda kuchli qismi. Butun badanimizni aynan belimiz ko‘tarib turadi. Kuchli bo‘lgani uchun ham u osondan osonga og‘rib qolavermaydi. Uni og‘ritish uchun oylar va yillar davomida sekin sekin zarar yetkazib borishingiz kerak.

Zarar bu noto‘g‘ri o‘tirish, ko‘p bosim berish va hokazo. Dasturchi sifatida, va umuman bir joyda o‘tirib ish qiladigan inson sifatida, esa bunday zarar berish ancha oson. Kunning asosiy qismini o‘tirib o‘tkazamiz axir. Yomon tarafi bu jarayon juda uzoq davom etgani uchun va og‘riq darhol bilinmagani uchun ko‘pchilik uni oldindan bartaraf qilish haqida o‘ylamaydi.

Ana endi men o‘tgan yili tushunib yetgan narsani siz bilan bo‘lishaman. Yillar davomida azob bergan belingiz agar og‘rib qolsa, uni tuzatish ham juda qiyin bo‘ladi. Shuncha chidab yurib taslim bo‘lgan belingiz uzoq vaqt davomida o‘ziga keladi. Bir haftada tuzalib qoladigan shamollash emas bu. Haftalar, oylar davomida fizioterapiya, sport, va doktorlarning boshqa maslahatlaridan foydalanib, yuzlab/minglab dollar pul sarflab o‘ziga keladigan muammo bu.

Siz ham joyingizda ko‘p o‘tirsangiz bu xatoni qilmang. Oldindan belingizga sarmoya qiling. Men shaxsan quyidagilarni qilganman: 

1. Sport/Gym. Deadlift menimcha juda foydali mashq bel uchun.

2. Standing Desk. Kechgacha o‘tiraverish yaxshi emas. Ora-orada turib ishlab turish yaxshi.

3. Sifatli kreslo. Herman Miller, masalan.


Ha, qimmat. Lekin belingizni tuzatish undan-da qimmatroqqa tushishi mumkin.

@jakhonrakhmonov

Yaqinda bir tanishim, bolalarni bo'yi yaxshi o'sishi, tanasi sog'lom bo'lishi, miyasi yaxshi ishlashi, aqlli bo'lishi uchun faqat sportga borganni foydasi kam. Biz eng katta xatoni qilib bolalarni katta qilamiz degandi. Man hech shu gapni eshitguncha bu haqida o'ylab ko'rmagan ekanman.

Bizni xatoyimiz bolalarga noto'g'ri ovqat berish degandi. Biz og'ziga yoqqanini oberamiz, chupa - chups desa oberamiz, shokalad, konfet, pishiriqlar, chipslar, xotdog, burgerlarni sevishadi bolalar, biz shuni oberib xuddi mehribonchilik qilgan bo'lamiz. Lekin ularga eng katta zararni berayotgan bo'lamiz. Yuqoridagilar bolalar uchun eng havfli yemishlardir.

Bugun Subyektivni o'rta ta'lim mavzusidagi sonini ham ko'rdim, unda ham shu haqida aytishdi. Miyamga nimadir bilan urgandek bo'ldi. Chunki man ham bolalarimga, rosa ko'p shirinliklar, konfet shokoladlar, chipslar oberaman. Bu ishlarni to'g'rilashimiz kerak ekan.

Endi Chat GPT bilan suhbat qildim. Bolalarga yosh bo'yicha reja tuzib berishni, ular qanday ovqatlanishi kerakligi, miyasi yaxshi rivojlanishi uchun nimalarga e'tibor qilish kerakligi haqida gaplashdim, ancha tafsiyalarni berdi. Qo'ldan kelgancha endi shularga amal qilishimiz kerak. Chatgpt bergan maslahatlar qiziq bo'lsa, o'ziz so'rab ko'ring.