Oldindan meni kuzatadiganlar biladiki, so‘ngi payt katta hajmdagi postlar joylamay qo‘ydim. Bunga o‘ziga yarasha sabablar bor. Bugun esa bir narsa haqida yozgim keldi. Xabaringiz bor O‘zbekiston Superligasi hozir tanaffusda. Barcha jamoalarimiz esa seleksiya ishlariga jiddiy kirishgan. Bugun eshitgan xabarimga ko‘ra Uzpfl legioner limitini 7 tadan 6 taga tushirgan. Bu juda ham yaxshi. Zero o‘zimizning yigitlarga qancha ko‘p e'tibor berilsa ertaga bosh jamoamiz bundan yutadi. Birgina Abduqodir Husanov misolida buni ko‘rishimiz mumkin. Ammo klublarimiz esa yoshi o‘tgan legioner futbolchilarni o‘ynatishdan tap tortmayapti. Bularni ham to‘g‘ri tushunish kerak aslida. Negaki, mahalliy o‘yinchilarimiz Nodirbek To‘ychiyev tabiri bilan aytganda o‘zlarini yettinchi mo‘jiza deb hisoblashmoqda. Narxini esa bir necha baravar ko‘tarib olishgan. Klublar uchun bolqonlik futbolchilarni o‘ynatish arzonga tushmoqda. Paradoks shundaki, deyarli 90 foiz jamoalarimizda akademiya yo‘q. Futbol maktablari shunchaki majburiyatdan ochilgan. Klublar ulardagi o‘yinchilarni asosiyda o‘ynatishga cho‘chiydilar. Shu sababli ham yorib chiqayotganlari juda sanoqli. Abduqodir esa Belarusiyada o‘ynagani bois top ligaga ketishi oson bo‘ldi. Biznikilar borini ham qo‘yib yubormaydi.
Xullas bundan keyin akademiyaga katta e'tibor berish kerak bo‘ladi. Chunki bilasiz ishonish qiyinu ammo 2030- yilgacha elitada ishtirok etadigan jamolar xususiy bo‘lishi belgilab berilgan. Bizda hali beri marketing, muhlislardan pul ishlash yo‘lga qo‘yilmagan. Shuning uchun ham futbolchilarni sotish orqali jon saqlab qolsa bo‘ladi. Bu bilan nima demoqchiman. Akademiya, akademiya va yana akademiya.


@sanjarfayziy