#Xalıqaralıq_birge_islesiw

🇰🇷 Qaraqalpaqstan joqarı oqıw orınları delegaciyası Koreyada konferenciyada qatnaspaqta

🟡Búgin 25-noyabr kúni Berdaq atındaǵı Qaraqalpaq mámleketlik universiteti rektorı, akademik A.Reymov hám universitettiń Ilimiy isler hám innovaciyalar boyınsha prorektorı I.Turdımambetovlar Koreyada ótkerilip atırılǵan IRIC 2024 (Xalıq aralıq R&D sanaat) konferenciyasında qatnaspaqta.

🟡Koreyaǵa sapar dawamında Younsei universiteti vice prezidenti Lee Won-Yong menen birge islesiw boyınsha ushırasıw ótkerildi. Ushırasıwda eki tárepleme akademiyalıq birge islesiw, student almasıw, ilimiy kollaboraciya sıyaqlı baǵdarlar boyınsha sáwbetlesiwler alıp barıldı.

🟡Maǵlıwmat ushın; Younsei universiteti QS reyting agentligi tárepinen 2025-jıl ushın járiyalanǵan Dúnya júzlik reytingte 56-orındı iyelegen. Bunday universitetler menen birge islesiw, professor-oqıtıwshılarımızdıń tájriybe arttırıwı, studentlerimizdiń magistratura hám doktoranturaǵa kiriwi keleshekte elimizde ilim hám texnologiyanıń rawajlanıwına sebepshi boladı.

🟡Sonday-aq, sapar dawamında Berdaq atındaǵı Qaraqalpaq mámleketlik universiteti rektorı, akademik A.Reymov hám universitettiń Ilimiy isler hám innovaciyalar boyınsha prorektorı I.Turdımambetov, Qaraqalpaqstan awıl xojalıǵı hám agrotexnologiyalar institutı rektorı B.Jollıbekovlar joqarı oqıw orınlarına investiciya kirgiziw boyınsha koreyalı sherikler menen ushırasıwlar ótkermekte.

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook