Samarqand sadosi

#Ibrat

Yoshgina ayol tuxum sotayotgan kampirdan tuxumning narxini so‘radi. Kampir donasi 500 so‘mligini aytdi. Ayol "2500 so‘mga oltita tuxum berasizmi”, salkam qarzini so‘raganday balandroq ovozda dedi ayol va qo‘shimcha qildi: “Bo‘lmasa, ketaman-da, boshqa joydan ham olaveraman”.

Keksa kampir bir muddat dam tuxumlarga, dam ayolga qaradi-da: "Mayli, olaqoling, ertalabdan beri bittayam sotolganim yo‘q, harna sotilgani”, deb tuxumlarni xaltaga solib berdi.

Ayol go‘yo katta g‘alaba qilgandek, tuxumlarni va sumkalarini ko‘tarib mashinasi turgan joyga qarab yurdi. Yangigina avtomobilga o‘tirib, dugonasi bilan uchrashishi belgilangan restoranga keldi. Dugonalar ko‘ngillari tusagan taomlardan yeb, xohlagan ichimliklarni ichib, maza qilishdi. Turib ketishayotganda, hisob keltirishdi. Haligi ayol hisobda ko‘rsatilgandan ortiqcha pul berib, “qaytimi kerakmas”, degandek qo‘li bilan ofitsiantga imo qilib qo‘ydi...

Xulosa o‘zingizdan!

🔰Bizni ijtimoiy tarmoqlarda kuzating:
Telegram | Facebook | Instagram | You Tube

DIQQAT, TANLOV!

Samarqand shahar Ma’naviyat va ma’rifat kengashi 21-mart - Navro‘z umumxalq bayrami munosabati bilan milliy qadriyatlarni asrab-avaylash, milliy liboslarni ommalashtirishga, targ‘ib qilishga qaratilgan “Milliy libos menga yarashadi!” nomli, eng yaxshi “Milliy kontent” va “Ijtimoiy videorolik” tanlovini eʼlon qiladi.

Unda aholining keng qatlami va Samarqand shahridagi korxona, tashkilot va muassasalar ishtirok etishi mumkin.

Tanlovda ijodiy ishlar milliy qadriyatlarimizni, anʼanalarimizni,  milliy liboslar-milliy g‘ururimiz  ekanligini ifoda etishi kerak bo‘ladi.

Ijodiy ishlarda kreativlik va yangicha yondashuvga, milliylikka ustunlik beriladi.

Tanlovga taqdim etiladigan ijodiy ishlar yangidan yaratilgan va ilgari tanlovlarda ishtirok etmagan, hamda OAVlarda yoritilmagan bo‘lishi lozim.

Tanlovda ishtirok etish istagida bo‘lganlar o‘z ishlarini @manaviyatmarifat24 manziliga (ism-familiyasi, yashash joyi va telefon raqami bilan) yuborishi lozim.

Tanlov uchun materiallar joriy yilning 25-fevral kunidan 15-mart  (17:00) kuniga qadar qabul qilinadi.

Taqdim etilayotgan ijodiy ishlar 1-2 daqiqali, hajmi 100 mb dan oshmasligiga, tasvirlar sifatli va tiniq boʻlishiga alohida e’tibor qaratish lozim.

☀️Tanlov g‘oliblari
1-o’rin I darajali diplom, 8 million so‘mlik VAUCHER;

2-o’rin  II darajali diplom, 6 million so‘mlik VAUCHER;

3-o’rin III darajali diplom, 4 million so‘mlik VAUCHERlar bilan taqdirlanadi.

Gʻoliblar Samarqand shahar Ma’naviyat va ma’rifat kengashi raisi, shahar hokimi tomonidan taqdirlanadi.

🔰Bizni ijtimoiy tarmoqlarda kuzating:
Telegram | Facebook | Instagram | You Tube

#Ibrat

Maqsadga intilish haqida

- Starbucks asoschisi Govard Shuls loyihani boshlagan paytda banklar unga 272 marta kredit berishni rad etgan.

- Yozuvchi J. K. Rouling Garri Poterni ilk marotaba chop etmoqchi bo‘lganda  12ta nashriyot yo‘q degan.

- Uolt Disney 302 marta loyihasini moliyalashtirishga rad javobini olgan.

Agar ular nolib ko‘nib ketaverganlarida, bugun Starbucks va Disney kabi brendlar, shuningdek Garri Poter kitobi dunyo yuzini ko‘rmagan bo‘lar edi.

Agar ilk muammolardayoq qo‘l siltab ketaversa, siz g‘oyangiz yakunda nimaga olib borishini bilmaysiz. Hech qachon asosiy maqsaddan voz kechmang!

©️Firuz Allayev

🔰Bizni ijtimoiy tarmoqlarda kuzating:
Telegram | Facebook | Instagram | You Tube