Hayot nima?

Hayot nima? - so'radim bir kuni bobomdan.

Azon bilan namoz orasi, deb javob qildilar

Bu nima degani? Umr shunchalar qisqami, bobojon?

Tabassum qilib dedilar:

Sen nima deb o'ylaganding. Hayot shunchalar qisqa. Lekin u azon bilan o'sha namozni bilasanmi?

Yo'q, bilmayman.

U shunday azonki, namozi yo'q. U shunday namozki, azoni yo'q.

Ular nima, bobojon?

Esingdami, Tolib amaking yangi tug'ilgan chaqoloqning qulog'iga azon aytgandi. O'sha namozsiz azon bo'ladi.

Azonsiz namoz-chi, bobojon?

Yuzimga termuldilar. Termuldilar va:

Bir kuni bobongning paymonasi to'lib, qazo qilganida, uni ham bilib olasan, bolam, - dedilar.