⚡️ E'LON

🔝 “Le Cordon Bleu Paris” xalqaro oshpazlik akademiyasi Samarqandda!!!

Avval xabar qilinganidek, joriy yilning 4-fevral sanasida dunyoga mashhur “Le Cordon Bleu Paris” xalqaro oshpazlik akademiyasi professional oshpazlari Samarqandga eksklyuziv mahorat darslari o'tkazish maqsadida tashrif buyurmoqdalar. Mazkur mahorat darslariga Le Cordon Bleu Istanbul akademiyasining texnik direktori va oshpazlik bo‘yicha instruktori, tajribali shveytsariyalik oshpaz Erich Ruppen rahbarlik qiladi.

Erich Ruppen - oshpazlik faoliyatini 17 yoshida boshlagan bo‘lib, 1979-yilda Shveytsariya Oshpazlik Diplomini qo‘lga kiritgan. Faoliyati davomida Shveytsariya, Bermuda, Janubiy Afrika va Turkiyada nufuzli mehmonxonalar va restoranlarda ishlagan. Xususan, u Istanbuldagi Çırağan Palace Kempinski mehmonxonasida mashhur siyosatchilar va taniqli shaxslar uchun oshpazlik mahoratini namoyish etgan. 2008-yilda u dunyodagi eng yirik aviatashuv ovqatlanish kompaniyalaridan biri bo‘lgan LSG Sky Chefs kompaniyasiga o‘tib, Yevropa bo‘yicha Mahsulotlarni ishlab chiqish va pazandachilik mahorati departamenti direktori lavozimigacha ko‘tarilgan.
Hozirgi vaqtgacha 54 nafar O‘zbekiston Respublikasi fuqarolari “Le Cordon Bleu Paris” Fransiya maktabida tahsil olib, Respublikaning turli hududlarida kulinariya sohasida faoliyat olib bormoqda.

🎆 Shu munosabat bilan:
📍 4-fevral kuni soat 11:00 da Samarqand "Ipak yoʻli" turizm va madaniy meros xalqaro universitetida uchrashuv va
📍 shu kuni soat 14:00 da Samarqand UNWTO turizm akademiyasida pazandachilik namoyishlari (mahorat darslari - ro'yxatdan o'tganlar uchun) bo‘lib o‘tadi.