Бунинг устига тинимсиз боши оғрирди. Ҳатто ухлаёлмай, ўзини идора этолмай қолди. Энди топганимиз табибу дўхтирга кета бошлади. Эрим ётоқчилаб қолиб, бир куни ишга чиқса, икки кун бошини кўтаролмай уйда ётади. Камига муносабатимиз ҳам ёмонлашиб кетган. Жанжалларимиз кўпайиб кетган. Бир йиғинда хотинларнинг “Фалончини эри соппа-соғ юрганди, тап этиб йиқилиб ўлиб қолибди. Ҳаммадан қизғониб “иссиқ-совуқ” қилиб юрарди”, “Иссиқ-совуқнинг заҳри ёмон, кишига тез таъсир қилади ҳатто ўлимгача олиб бориши мумкин” деган гапларни эшитиб юрагим ёрилаёзди. Шу кунлар ҳам бормиди пешонамда? Наҳотки, ўз қўлим билан эримни бегонага тутқазиб қўйган бўлсам? Бунинг устига гуноҳга ботганми-чи?..
Ҳаловатим йўқолган. Гуноҳларимга тавба қилиб, эримга Аллоҳдан офият ва соғлик сўраб ўтиняпман. Афсусдаман. Аёлларга ҳеч қачон бундай ишларни қилмасликларини айтмоқчиман. Иссиқ-совуқ, сеҳр-жодудан кўра эрингизни ширин сўз, меҳрибонлик, ғамхўрлигингиз билан ўзингизга мафтун қилинг. Гуноҳ ишлар ҳеч қачон яхшиликка олиб бормас экан...

ФАРЗОНА

@ruqiya_shariy